Surendranagar: પંચાયત સદસ્યનાં પતિને હનીટ્રેપમાં ફ્સાવતા પાંચ સામે ફરિયાદ નોંધાઈ

સુરેન્દ્રનગર જિલ્લા પંચાયત સદસ્યના પતિને ફ્સાવી શારીરિક સંબંધ બાંધવા મજબૂર કરી છુપી રીતે વીડિયો ઉતારી રૂ. 10 લાખની માંગણી કરાઈ હતી. તેમજ જો રૂપિયા નહીં આપે તો વીડિયો વાયરલ કરવાની ધમકી આપતા બે મહિલા સહિત કુલ પાંચ સામે હનીટ્રેપનો કારસો રચવાની પાટડી પોલીસ સ્ટેશનમાં ફરિયાદ નોંધાઈ છે.

પ્રાપ્ત વિગતો અનુસાર પાટડી તાલુકાના ઘાસપુર ગામના અને જિલ્લા પંચાયત સદસ્યના પતિ નટુજી પથુંજી ઈલોરિયા સાથે મૂળ પાટડીની અને હાલ અમદાવાદ રહેતી યુવતીએ મીઠી મીઠી વાતો કરી અલગ અલગ છોકરીઓના ફોટા મોકલી રૂબરૂ મળી વિડીયો કોલથી વાતો કરી રૂ. પાંચ હજાર લઈ અંદાજે 22 વર્ષની એક યુવતીને મોકલી હતી. યુવતીએ નટુજીને જણાવ્યું હતું કે પેલી મહિલાએ શારીરિક સંબંધ માટે જણાવ્યું છે. એમ જણાવી ફૂલકી ચોકડી પાસે બોર ઉપર રૂમમાં લઈ જઈ શારીરિક સંબંધ માટે મજબૂર કર્યા હતા. એ સમયે યુવતીએ છુપી રીતે વિડીયો ઉતારી લીધો હતો અને બે શખ્સોએ અન્ય એક શખ્સ સાથે વાત કરાવી હતી. જે સમયે 10 લાખ રૂપિયા આપો નહીંતર આ કલીપ વાયરલ કરવાની ધમકી પણ આપી હતી. આ વાત સાંભળતાની સાથે જ નટુજી હનીટ્રેપનો ભોગ બન્યાનું જણાતાની સાથે જ તેઓએ પાટડી પોલીસનો સંપર્ક કરી આપવીતી જણાવી બે મહિલા તેમજ ભરત વિનોદભાઈ ઠક્કર રહે. બહુચરાજી, દશરથ ભલાભાઈ પટેલ રહે.બહુચરાજી, ઇમરાન અસ્લમભાઇ સિપાઈ રહે. બજાણા મળીને પાંચ શખ્સો સામે પાટડી પોલીસ સ્ટેશનમાં પોલીસ ફરિયાદ નોંધાવી છે. આ ફરિયાદની વધુ તપાસ પાટડી પોલીસ ચલાવી રહી છે.