Surat News: સ્ટેટ મોનિટરિંગ સેલના દરોડામાં કેમિકલ ચોરીના કૌભાંડનો પર્દાફાશ

દરોડામાં કેમિકલ ચોરીનું કૌભાંડ આવ્યું સામેSMCએ 42 લાખનો મુદ્દામાલ કર્યો જપ્ત મુખ્ય આરોપી સહિત 2 શખ્સની ધરપકડ સુરતમાં આજે સ્ટેટ મોનીટરીંગ સેલ દ્વારા સપાટો બોલાવીને કેમિકલ ચોરીનું કૌભાંડ પકડી પાડવામાં આવ્યું છે. મળતી માહિતી મુજબ, આજે સ્ટેટ મોનીટરીંગ સેલ દ્વારા સુરતના ભાટિયા ગામ નજીક આવેલા પેટ્રોલ પંપ નજીક દરોડા પાડવામાં આવ્યા હતા. જેમાં લાખોની કેમિકલ ચોરી ઝડપાઇ આવી છે. સ્ટેટ મોનીટરીંગ સેલ દ્વારા દરોડા પાડીને 19 હાજર લીટરનું કેમિકલ કબ્જે કરવામાં આવ્યું છે. તો સાથે સાથે રૂ. 42 લાખથી વધુનું કેમિકલ સીઝ કરવામાં આવ્યું છે. વધુમાં 22 લાખના બે વાહન પણ ઝપ્ત કરવામાં આવ્યા છે. જાણવા મળી રહ્યું છે કે સ્ટેટ મોનીટરીંગ સેલ દ્વારા મુખ્ય આરોપી સહિત બે લોકોની ધરપકડ કરવામાં આવી છે. તો, સૌથી મોટી ચોંકાવનારી વાત તો એ છે કે સચીન પોલીસ સ્ટેશનના નાક નીચે સમગ્ર કેમિકલ ચોરીનું કૌભાંડ ચાલતું હતું અને પોલીસ સ્ટેશન આ વાતથી સદંતર અજાણ હતું. સ્ટેટ મોનીટરીંગ સેલ દ્વારા સપાટો બોલાવતા સચીન પોલીસ સ્ટેશનનો પોલીસ સ્ટાફ પણ દોડતો થઈ ગયો હતો.