Sarangpur શ્રીકષ્ટભંજન દેવ હનુમાનજીને મયૂરપંખ એવં શ્રીકૃષ્ણની શેષનાગલીલાનો દિવ્ય શણગાર કરાયો

ગોકુલ આઠમ અને શ્રીકૃષ્ણ જન્મોત્સવ નિમિત્તે દાદાને કરાયો વિશેષ શણગાર શ્રીકષ્ટભંજનદેવ દાદાને મયૂરપંખ એવં શ્રીકૃષ્ણની શેષનાગ લીલાનો શણગાર શ્રીકૃષ્ણ જન્મોત્સવની ભવ્ય ઉજવણી રાત્રી દરમિયાન કરવામાં આવશે સ્વામિનારાયણ મંદિર વડતાલધામ સંચાલિત સુપ્રસિદ્ધ યાત્રાધામ સાળંગપુરધામ શ્રીકષ્ટભંજનદેવ હનુમાનજી મંદિર ખાતે પણ શ્રાવણ મહિનાની ભવ્યાતિભવ્ય ઉજવણી કરવામાં આવી રહી છે.આજે પ.પૂ શાસ્ત્રી સ્વામી હરિપ્રકાશદાસજી પ્રેરણા અને કોઠારી વિવેકસાગર સ્વામિના માર્ગદર્શનથી પવિત્ર શ્રાવણ માસ અંતર્ગત - શ્રીકૃષ્ણ જન્મોત્સવ નિમિત્તે આજે શ્રીકષ્ટભંજનદેવ હનુમાનજી દાદાને મયૂરપંખ એવં શ્રીકૃષ્ણની શેષનાગ લીલાના વાઘાનો દિવ્ય શણગાર કરવામાં આવ્યો. આજે રાત્રે યોજાશે ગરબા આજે સવારે 05:30 કલાકે મંગળા આરતી પૂજારી સ્વામી તથા 7:00 કલાકે અનેક વિવિધ કેકનો અન્નકૂટ એવં શણગાર આરતી કોઠારી વિવેકસાગરદાસજી સ્વામી -અથાણાવાળા દ્વારા કરવામાં આવી હતી.શ્રીકૃષ્ણ જન્મોત્સવ નિમિતે મંદિર તથા પટાંગણ મટકી- ફુગ્ગાઓથી શુશોભન કરી સવારે 09:30 થી 12:00 કલાક દરમિયાન મટકી ફોડ એવં સાંસ્કૃતિક કાર્યક્રમ તેમજ રાત્રે 09:00 થી 12:00 કલાક દરમિયાન રાસ ગરબાનુ ભવ્ય આયોજન કરવામાં આવેલ. રાત્રે 12:00 કલાકે શ્રીકૃષ્ણ જન્મોત્સવની આરતી કરવામાં આવશે. ભકતોએ ઓનલાઈન તેમજ ઓફલાઈન કર્યા દર્શન શ્રાવણ માસ દરમિયાન શ્રી હનુમાન ચાલીસા યજ્ઞ અનુષ્ઠાન તેમજ શ્રીહરિ મંદિરમાં દિવ્ય હિંડોળાના આ અનેરા દર્શનની સાથોસાથ આજે મંદિરના પટાંગણમાં આવેલ દર્શનનો લાભ હજારો ભક્તોએ પ્રત્યક્ષ તેમજ ઓનલાઈન લઈ ધન્યતાનો અનુભવ કર્યો હતો. શનિવારે વિદેશથી આવેલી ચોકલેટોનો શણગાર કરાયો આ ચોકલેટ અમેરિકા, ઓસ્ટ્રેલિયા, લડંન, હોંગકોંગ, દુબઈ અને કેનેડાથી મંગાવવામાં આવી હતી. દાદાના સિંહાસન ચોકલેટનો શણગાર કરતા બે દિવસનો સમય લાગ્યો હતો. આ ચોકલેટ ભક્તોને પ્રસાદ તરીકે વિતરણ કરવામાં આવશે.શ્રાવણ મહિનાના પવિત્ર શનિવારના દિવસે દાદાને વિશેષ વાઘા અને સિંહાસનને ચોકલેટનો શણગાર કરાયો છે. દાદાના વાઘા વૃંદાવનમાં જરદોશી વર્ક કરીને તૈયાર કરવામાં આવ્યા છે. તો દાદાના સિંહાસનને 5500 કિલોથી વધુ ચોકલેટનો શણગાર કરાયો હતો.