Rajkotમાં ગુંડા તત્ત્વોનો વધ્યો આતંક, યુવક પર છરીથી હુમલો

રાજકોટમાં પોલીસનું કોઈ અસ્તિત્વ જ ન હોય તેમ ગુનેગારો બેફામ બન્યા છે. તાજેતરમાં બે પરપ્રાંતિય ભાઈઓની છરીના ઘા ઝીકી બેવડી હત્યાને અંજામ અપાયો હતો. ત્યા ફરી બી ડિવિઝન પોલીસ સ્ટેશન વિસ્તારમાં થયેલ માથાકૂટનો વિડીયો વાયરલ થયો છે જૂના મોરબી રોડ ઉપર ખુલ્લી છરી સાથે લુખ્ખાઓએ ધમાલ મચાવી હતી યુવક પર છરીથી હુમલો કરી રિક્ષામાં મોટો પથ્થર ઝીકી તોડફોડ કરતા ચકચાર મચી હતી.

ગુંડા તત્ત્વોએ કાયદાની ઉડાવી મજાક

રાજકોટમાં ગુંડારાજ હોય તેમ મોરબી રોડ પર યુવક પર છરીથી હુમલો કરી રિક્ષામાં તોડફોડ કરાઇ હતી. પોલીસને પડકાર ફેંકતી ઘટના પછી પણ પોલીસ નિંદ્રાધીન અવસ્થામાં હોય તેવું ફલિત થઇ રહ્યું છે. કારણ કે અવારનવાર આવી ઘટનાઓ રાજકોટમાં બની રહે છે. અને જેના કારણે પોલીસ માત્ર નામની જ હોય તેમ જણાઇ રહ્યુ છે. કાયદો વ્યવસ્થા થાળે ગઇ હોય તેવા દ્રશ્યો સર્જાતા રહે છે.

આવારા તત્ત્વો પોલીસ અને કાયદા વ્યવસ્થાને પડકાર ફેંકતા હોય તેમ બેફામ બની આતંક ફેલાવે છે. આ ગુનાહિત પ્રવૃત્તિઓને ડામવા માટે હવે કોઇ નક્કર પગલા લેવાય તે જરૂરી છે. નહીતર રંગીલું રાજકોટમાં ડર વગર ફરતી પ્રજાને આવારા તત્ત્વોનો ભય વધુ લાગશે.