Porbandar: ભીમા દુલાના ભાણેજ કુખ્યાત મેરામણ ખૂંટીની હત્યા, પોલીસે તપાસ શરૂ કરી

પોરબંદર નજીકના બખરલા ગામે હત્યાનો બનાવ સામે આવ્યો છે. જેમાં ભીમા દુલા ઓડેદરાના ભાણેજ કુખ્યાત મેરામણ ખૂંટી ઉર્ફે લંગીની બખરલા ગામે સંજય દેવશી ઓડેદરા અને અજાણ્યા ઈસમો દ્વારા હત્યા કરવામાં આવી હતી. ગેંગ લીડર તરીકે છાપ ધરાવતા ભીમા દુલા ઓડેદરાના સગા ભાણેજ મેરામણ ખૂંટી પર અનેક ગુનાઓ નોંધાયેલા છે અને હાલ ભીમા દુલા ઓડેદરાના પરિવારે વર્ષોથી મેરામણ ખૂંટી સાથે સામાજિક સંબંધો અને વ્યવહાર રાખ્યો નથી.જૂની અદાવતમાં સંજય દેવશી ઓડેદરાએ મેરામણની હત્યા કરી હોવાની આશંકા 2 ફેબ્રુઆરીની રાત્રે 8 વાગ્યાની આસપાસ બખરલા ગામે કુખ્યાત મેરામણ લંગી ખુંટીની હત્યાની ઘટના ઘટી હતી. જેમાં અંગત અદાવતમાં હત્યા થયાની ચર્ચા સમગ્ર જિલ્લામાં થઈ રહી છે. જ્યારે આ હત્યા મામલે પોલીસે વધુ તપાસ હાથ ધરી છે. મેરામણ અને આરોપી સંજય દેવશી ઓડેદરા વચ્ચે છેલ્લા કેટલાક સમયથી વિવાદ ચાલી રહ્યો હતો. જૂની અદાવતમાં સંજય દેવશી ઓડેદરાએ મેરામણની હત્યા કરી હોવાની આશંકા છે. બગવદર પોલીસે ગુનો નોંધીને વધુ તપાસ હાથ ધરી છે. રાત્રીના સમયે મૃતદેહને પોસ્ટમોર્ટમ અર્થે પોરબંદરની ભાવસિંહજી હોસ્પિટલ ખસેડાયો હતો. મેરામણ સામે પોરબંદર જિલ્લામાં ગંભીર પ્રકારના અનેક ગુના નોંધાયેલા મેરામણ અને આરોપીઓ સંજય દેવશી ઓડેદરા વચ્ચે થોડા દિવસોથી મગજમારી ચાલતી હતી. મેરામણ અગાઉ અર્જુન મોઢવાડીયાના ટેકેદાર મુરૂ મોઢવાડીયાના હત્યા કેસમાં સંડોવાયેલો હતો. મેરામણ સામે પોરબંદર જિલ્લામાં ગંભીર પ્રકારના અનેક ગુના નોંધાયેલા હતા. મેરામણ લંગી પોરબંદરના અંધાધૂંધ ગોળીઓ વરસાવી ચકચારી મુળુ મોઢવાડિયા હત્યા કેસમાં પણ સંડોવણી ખુલી હતી અને બાદમાં કોર્ટે નિર્દોષ છોડ્યો હતો, ત્યારબાદ બખરલા ગામે એક મહિલાની હત્યા કેસમાં પણ મેરામણ લંગીની ધરપકડ થઈ હતી. મેરામણ લંગી સામે 4 હત્યા, 2 હત્યાના પ્રયાસ સહિત 14 જેટલા ગુના નોંધાયેલા હતા. આ હત્યાના બનાવમાં આરોપી સંજય દેવશી ઓડેદરા અને અજાણ્યા ઈસમ દ્વારા તિક્ષ્ણ હથિયારના ઘા ઝીંકી મેરામણ ઉર્ફે લંગી ખુટીની હત્યા નીપજાવવામાં આવી હતી, સમગ્ર મામલે બગવદર પોલીસ દ્વારા ચક્રો ગતિમાન કરી અને તપાસ હાથ ધરવામાં આવી છે.