Patan: દિવાળી પહેલાં ચોરોની ઉજવણી શરૂ થઈ

Oct 13, 2025 - 04:30

Join our WhatsApp Community to receive travel deals, free stays, and special offers!
- Join Now -

હારીજ શહેરમાં મહેસાણા હાઇવે પર આવેલ બે દુકાનોમાંથી તસ્કરોએ હાથફેરો કર્યો હોવાની વિગતો બહાર આવી છે. જેમાં બંને દુકાનોમાંથી આશરે રૂ. 85 હજાર જેટલી રોકડ રકમની ચોરી કર્યાની જાણકારી પ્રાપ્ત થઈ છે.

હારીજ શહેરમાં મહેસાણા હાઇવે પર આવેલ ગાયત્રી હાર્ડવેર તથા પરમેશ્વરી ટિમ્મર માર્ટ નામની દુકાનોને રાત્રી દરમિયાન તસ્કરોએ નિશાન બનાવી હતી. જેમાં એક દુકાનમાં બે શટરો તોડી તસ્કરોએ પ્રવેશ કર્યો હતો જ્યારે બીજી દુકાનમાં છત પર આવેલ પતરાના બોલ્ટ ખોલી નીચે ઉતરી ચોરીને અંજામ આપ્યો હતો. તસ્કરો દ્વારા ગાયત્રી હાર્ડવેરમાંથી 70 હજાર તથા પરમેશ્વરી ટિમ્મર માર્ટમાંથી 15 હજારની ચોરી કર્યાની ચર્ચા જોવા મળી હતી. આ લખાય છે ત્યાં સુધી હારીજ પોલીસ મથકે મોડી સાંજ સુધી કોઈ ફરિયાદ નોંધાવવા પામી ન હોવાનું જાણવા મળ્યું હતું.