Monsoon 2026 : અમદાવાદમાં સવારથી જ મેઘરાજાની તોફાની બેટિંગ, અનેક વિસ્તારોમાં પાણી ભરાવાનું શરુ, વાહનચાલકો બેહાલ, Video

અમદાવાદ શહેરમાં બે દિવસના વિરામ બાદ આજે સવારે ફરીથી સાર્વત્રિક ધોધમાર વરસાદ શરૂ થઈ ગયો છે. શહેરના પશ્ચિમથી લઈને પૂર્વના તમામ વિસ્તારોમાં મેઘરાજાએ તોફાની બેટિંગ કરતા માર્ગો પર પાણી ફરી વળ્યા છે. જેના કારણે સવારે નોકરી ધંધે જવા નિકળેલા નાગરિકો અને વાહનચાલકોની મુશ્કેલીઓમાં ભારે વધારો થયો છે.

આ વિસ્તારોમાં ધોધમાર વરસાદ 

શહેરના બોપલ, શીલજ, થલતેજ, શેલા, એસજી હાઈવે, વસ્ત્રાપુર, બોડકદેવ, ન્યુ રાણીપ, સોલા, ગોતા, ચાણક્યપુરી, સરખેજ તેમજ પૂર્વ વિસ્તારના નિકોલ, અમરાઈવાડી અને રામોલ જેવા તમામ વિસ્તારોમાં મુસળધાર વરસાદ વરસ્યો છે.

વરસાદના કારણે રસ્તા પર પાણી ભરાયા 

ધોધમાર વરસાદના કારણે મોટાભાગના વિસ્તારોમાં પાણી ભરાવાની શરુઆત થઇ ગઇ છે. ઘણા ઠેકાણે પાણી ભરાયા છે સિંધુભવન રોડ, પોલેડીયમ મોલ, ગોતા, વસ્ત્રાપુર, થલતેજ સહિતના વિસ્તારોમાં રસ્તા પર પાણી ભરાઇ ગયા છે

https://youtu.be/4F_-ikyFeYg   

વાહન ચાલકોને મુશ્કેલી

વરસાદના આંકડા અને તંત્રના પ્રી-મોન્સૂન કામગીરીના દાવા વચ્ચે શહેરના પોશ ગણાતા સિંધુ ભવન રોડ અને એસ.પી. રિંગ રોડથી પકવાન તરફ જવાના મુખ્ય માર્ગ પર પાણી ભરાયા છે. રસ્તાઓ પર ઢીંચણસમા પાણી ભરાઈ ગયા છે અને લોકોને ભારે હાલાકી ભોગવવી પડી હતી. ઠેર-ઠેર ટ્રાફિક જામના દ્રશ્યો પણ સર્જાયા છે. 

 આ પણ વાંચો   :    Sandesh Indepth : ગુજરાતમાં તો અલ-નીનોની અસર હતી તો પછી એવું શું થયું કે 14 કલાકમાં અનેક સ્થળે 16 ઇંચ વરસાદ ખાબક્યો?