Mahesana: તળેટી પાટિયા પાસે બસની પાછળ કાર ઘૂસી જતા 3 વ્યક્તિને ઈજાઓ

Oct 30, 2025 - 04:00

Join our WhatsApp Community to receive travel deals, free stays, and special offers!
- Join Now -

મહેસાણા ઊંઝા હાઇવે પર તળેટી ગામના પાટીયા પાસે એક સરકારી બસની પાછળ કાર ટકરાતા અકસ્માત સર્જાયો હતો. અકસ્માતમાં કારમાં સવાર ત્રણ લોકોને નાની મોટી ઇજાઓ પહોંચી હતી. જોકે અકસ્માત અંગે પોલીસ મથકે કોઈ જ ફરિયાદ નોંધાઈ ન હતી.

મહેસાણા ઉંઝા હાઈવે પર સવારના સમયે એક કાર અને બસ વચ્ચે અકસ્માત સર્જાયો હતો. મળતી માહિતી મુજબ, ઊંઝા તરફ્થી આવતી સરકારી એસટી બસ તળેટી ગામના પાટીયાથી પસાર થઈ રહી હતી. ત્યારે ફૂલ સ્પીડે આવતી કાર બસ સાથે ધડાકાભેર ટકરાઈ હતી. અકસ્માતને પગલે લોકો દોડી આવ્યા હતા. અકસ્માતમાં કારમાં સવાર 3 લોકોને નાની- મોટી ઈજાઓ થવા પામી હતી. સ્થળ પર દોડી આવેલા લોકોએ 108માં કોલ કરી ઈજાગ્રસ્તોને સારવાર હેઠળ ખસેડયા હતા.