Jamnagarમાં સર્જાયો ગોઝારો ત્રિપલ અકસ્માત, 2 યુવાન મિત્રોના થયા મોત

જામનગરમાં ગોઝારો ત્રિપલ અકસ્માત સર્જાયો છે. જામનગરના પડાણા નજીક આ ત્રિપલ અકસ્માત સર્જાયો છે. આ અકસ્માતમાં બે લોકોના કરૂણ મોત નીપજ્યા છે. આ બંને મૃતકો મિત્રો હતા. પડાણાથી જામનગર આવતી વખતે કાર, ટ્રક અને રિક્ષા વચ્ચે ત્રિપલ અકસ્માત સર્જાયો અને રીક્ષામાં સવાર બંને યુવાન મિત્રોના ઘટનાસ્થળે જ મોત નીપજ્યા છે.બે મિત્રોના મોતથી પરિવારમાં માતમ છવાયો રોડ પર અચાનક જ કાર બેકાબુ થતાં કારે રીક્ષાને અડફેટે લીધી હતી અને અકસ્માત સર્જાયો હતો અને ટ્રક ચાલકે પણ બેલેન્સ ગુમાવતા ત્રણેય વાહનો અથડાયા હતા. જેમાં કારની ટક્કરથી રીક્ષામાં સવારે બે મિત્રો મોત થયા છે. આ બે યુવાનો બાંધકામનો સામાન મુકીને જામનગર પરત આવતા હતા, તે સમયે બંને યુવાનોને અકસ્માત નડી ગયો છે. અકસ્માતની ગોઝારી ઘટનામાં સોહીલ વલીભાઈ શેખ અને ફરાશ હાજી કાસમ નામના વ્યક્તિના મોત થયા છે. ત્યારે બંને મિત્રોના મૃત્યુ નીપજતા પરિવારમાં હાલમાં માતમ છવાયો છે. અમદાવાદના ધોળકા ખાતે અકસ્માતમાં એકનું મોત આજે અમદાવાદના ધોળકા ખાતે મોટો અકસ્માત સર્જાયો છે. બગોદરા હાઈવે પર ખાનગી લક્ઝરી બસે બાઈકને ટક્કર મારતા ગમખ્વાર અકસ્માત સર્જાયો છે, જેમાં એક વ્યક્તિનું મોત થયું છે. ધોળકા બગોદરા હાઈવે પર આવેલા સાઈ દર્શન સોસાયટી નજીક અકસ્માત સર્જાયો છે. ખાનગી લકઝરી બસે બાઈકને ટક્કર મારતા બાઈક સવારનું ઘટના સ્થળે જ મોત નિપજ્યું છે. તમને જણાવી દઈએ કે મૃતક બાઈક સવાર નોકરીએ જઈ રહ્યો હતો અને આ દરમિયાન અકસ્માતની ઘટના બનતા તેનું ઘટના સ્થળે જ મોત થયું હતું. ઉલ્લેખનીય છે કે છેલ્લા કેટલાય સમયથી આ વિસ્તારમાં અકસ્મતાની ઘટનામાં વધારો થયો છે. ભાવનગરમાં સોમનાથ હાઈવે પર ભયંકર અકસ્માતમાં બાઈકચાલકનું મોત ભાવનગર સોમનાથ હાઈવે પર ભયંકર અકસ્માત સર્જાયો છે. સોમનાથ હાઈવે પર બાઈક અને જીપ વચ્ચે જોરદાર ટક્કરથી અકસ્માત સર્જાતા પંથકમાં અરેરાટી વ્યાપી છે. આ અકસ્માત એટલો ભયાનક હતો કે બાઈક સવારનું સ્થળ પર જ મોત નિપજયું છે. હાઈવે પર બાઈક અને જીપ એટલા ભયંકર રીતે અથડાયા કે રસ્તા પર જીપ પલ્ટી ખાઈ ગઈ હતી અને ઘટનાસ્થળ પર બાઈક સવારનું માથું અને ધડ અલગ થઈ ગયા હતા. જે લોકોએ પણ આ દ્રશ્ય જોયું તેમના મોંઢામાંથી ચીસ નીકળી ગઈ હતી. અકસ્માતની માહિતી મળતાં પોલીસે ઘટનાસ્થળ પર પહોંચી તપાસ હાથ ધરી છે.