Gujarat: વરસાદની મજા માણવા પોળો ફોરેસ્ટ જતા પ્રવાસીઓ માટે ખાસ સમાચાર

પોળો ફોરેસ્ટમાં ભારે વાહનો પર પ્રતિબંધ ટુ વ્હીલર સિવાયના ભારે વાહનો પર પ્રતિબંધ ભારે વાહનો માટે પ્રવેશબંધીનો કલેક્ટર દ્વારા હુકમ પોળો ફોરેસ્ટમાં ભારે વાહનો પર પ્રતિબંધ લગાવવામાં આવ્યો છે. જેમાં ટુ વ્હીલર સિવાયના ભારે વાહનો પર પ્રતિબંધ લાગ્યો છે. તેમાં ભારે વાહનો માટે પ્રવેશબંધીનો કલેક્ટર દ્વારા હુકમ કરાયો છે. જેમાં જાહેરનામું 20 ઓગસ્ટ 2024 સુધી અમલમાં રહેશે. તેમજ હુકમનો ભંગ કરનાર સામે કાયદેસરની કાર્યવાહી કરવામાં આવશે. પોળોમાં જંગલમાં ટુ વ્હીલર સિવાયના ભારે વાહનોનો પ્રતિબંધ સાબરકાંઠા વિજયનગર પોળોમાં જંગલમાં ટુ વ્હીલર સિવાયના ભારે વાહનોનો પ્રતિબંધ છે. જેમાં પ્રવાસન ધામ પોળો ફોરેસ્ટ ચારણેશ્વર મંદિર પાસે પ્રવાસીઓની સુવિધા વધારવા માટે અનેક પ્રયાસ થઇ રહ્યાં છે. તેમાં પ્રવાસીઓની સુવિધા વધારવા માટે વિસ્તારની પોલ્યુશન ફ્રી, ઇકો ટુરીઝમ તરીકે વિકાસવા માટે કલેકટરે જાહેરનામું બહાર પાડ્યું છે. તેમાં વાણજ ડેમથી વિજયનગર તરફ જતા પ્રથમ ત્રણ રસ્તા સુધીના રોડ ઉપર ચાર ચક્રિય વાહનો અને તેથી ભારે વાહન ઉપર પ્રતિબંધ છે. જેમાં જાહેરનામુ 20 ઓગસ્ટ 2024 સુધી અમલમાં મૂકવામાં આવ્યુ છે. તથા હુકમનો ભંગ કરનાર વ્યક્તિને કલમ 188 હેઠળ દંડને પાત્ર રહેશે. પોળો એ મારવાડ (રાજસ્થાન) અને ઉત્તર ગુજરાતની વચ્ચેનું પ્રવેશદ્વાર છે પોળો સાબરકાંઠા જિલ્લાના ખેડબ્રહ્મા અને વિજયનગર તાલુકામાં અરવલ્લીની ગિરિમાળા વચ્ચે, હરણાવ નદીને કિનારે આવેલુ સ્થળ છે. આ સ્થળે ચૌદમી અને પંદરમી સદીના પ્રાચીન જૈન અને શિવ મંદિરો મળી આવેલા છે. આ મંદિરોની બાંધણીમાં સોલંકી વંશનું સ્થાપત્ય જોવા મળે છે. પોળ એ સંસ્કૃત ભાષામાંથી ઉતરી આવેલો મારવાડી ભાષાનો શબ્દ છે. જેનો અર્થ 'પ્રવેશદ્વાર' થાય છે. ભૌગોલિક દ્રષ્ટિએ પોળો એ મારવાડ (રાજસ્થાન) અને ઉત્તર ગુજરાતની વચ્ચેનું પ્રવેશદ્વાર છે.