Gujarat Palika Election 2025 : ધોરાજીમાં પોલીસે વૃદ્ધાને ઉંચકીને મતદાન કરાવ્યું

રાજકોટના ધોરાજીમાં પોલીસની માનવતા સામે આવી છે જેમાં વૃદ્ધાને મતદાન કરાવી વાહનમાં ઉંચકીને બેસાડયા છે,પોલીસે ફરજની સાથે સામાજીક જવાબદારી નિભાવી હોવાનું ઉદાહરણ સામે આવ્યું છે.વૃદ્ધ મહિલા ચાલી ન શકતાં હોય અને મતદાન મથકે મતદાન કરાવીને ફરી વાહન સુધી ઉંચકીને બેસાડયા હતા.ધોરાજીનાં પીએસઆઈ પી,કે,ગોહિલની આ માનવતા મહેકાવી અને પોલીસ તંત્રનું માન વધાર્યુ હતુ.

સંવેદનશીલ મથકો પર પોલીસની નજર

ગોંડલ, ઉપલેટા, જેતપુર અને જસદણ થઈને કુલ 4 તાલુકા પંચાયતની 6 બેઠકો પર પેટા ચૂંટણીઓ યોજાઈ રહી છે. જેમાં 33 મતદાન મથકો નક્કી કરાયા છે. જેમાં 34,320 મતદારો છે. જ્યારે 5 નગરપાલિકાના 205 તો 4 તાલુકા પંચાયતની પેટા ચૂંટણીમાં 20 સંવેદનશીલ મતદાન મથકો છે. એટલે કે, બંને થઈને 225 સંવેદનશીલ મતદાન મથકો ઉપર ખાસ તકેદારી રાખવામાં આવશે.

કુલ 2178 બેઠકોમાંથી 203 બેઠકો બિનહરીફ જાહેર

એક મનપા, 66 નગરપાલિકાઓ માટે મતદાન યોજાયું છે,મતદાન,સ્થાનિક સ્વરાજની ચૂંટણીમાં 10168 ઉમેદવાર મેદાને,પાલિકા-પંચાયતોની 1962 બેઠક માટે ચૂંટણી યોજાઈ રહી છે,કુલ 2178 બેઠકોમાંથી 203 બેઠકો બિનહરીફ જાહેર થઈ છે,203માંથી ભાજપના 195 ઉમેદવારો બિનહરીફ જાહેર,કોંગ્રેસના 3 અને અપક્ષના 5 ઉમેદવારો બિનહરીફ,ભાજપના 195માંથી 21 મુસ્લિમ ઉમેદવાર બિનહરીફ,કુલ 4033 મતદાન મથકો ઉપર ચૂંટણીનું આયોજન છે,જેમાં 836 સંવેદનશીલ, 153 અતિસંવેદનશીલ મથકો,કાલે સવારે 7થી સાંજે 6 વાગ્યા સુધી મતદાન યોજાશે,18 ફેબ્રુઆરીએ મતગણતરી હાથ ધરાશે.