Gandhinagar News : કોર્ટનો મોટો નિર્ણય, 'રફતારના રાક્ષસ' ના 5 દિવસના રિમાન્ડ મંજૂર

ગાંધીનગરમાં ચકચાર મચાવનારા હિટ એન્ડ રન કેસના આરોપી હિતેશ પટેલને આજે કોર્ટમાં રજૂ કરવામાં આવ્યો હતો. પોલીસે આરોપીના 7 દિવસના રિમાન્ડની માંગણી કરી હતી. પરંતુ કોર્ટે બંને પક્ષોની દલીલો સાંભળીને હિતેશ પટેલના 5 દિવસમાં રિમાન્ડ મંજૂર કર્યા છે. આ ઘટનાને કારણે લોકોમાં ભારે રોષ જોવા મળી રહ્યો હતો. પોલીસ ઝડપથી તપાસ પૂર્ણ કરે તેવી માંગ ઉઠી છે.

આરોપી હિતેશ પટેલના 5 દિવસના રિમાન્ડ મંજૂર

આ કેસમાં હિતેશ પટેલ પર "રફતારના રાક્ષસ" તરીકે બેફામ ડ્રાઈવિંગ કરીને એક વ્યક્તિનો ભોગ લેવાનો આરોપ છે. આ હિટ એન્ડ રન કેસમાં પોલીસે અત્યાર સુધીમાં કેટલાક મહત્વના પુરાવાઓ પણ એકત્ર કર્યા છે. રિમાન્ડ દરમિયાન પોલીસ હિતેશ પાસેથી ઘટના અંગેની વધુ માહિતી, તે સમયે તેની સાથે કોણ હતું અને અકસ્માત બાદ તે ક્યાં ગયો હતો જેવી બાબતો અંગે પૂછપરછ કરશે. આ બાબતે તપાસ સમિતિ દ્વારા પણ તપાસ હાથ ધરવામાં આવી હતી.

CCTV ફૂટેજ પણ કબજે કર્યા

વધુમાં પોલીસે અકસ્માત થયો તે વિસ્તારના CCTV ફૂટેજ પણ કબજે કર્યા છે જેમાંથી દુર્ઘટના કેવી રીતે બની તે સ્પષ્ટ થઇ શકે છે. આ કેસમાં પોલીસની સઘન તપાસ ચાલી રહી છે. આ પ્રકારના હિટ એન્ડ રન કેસ સમાજમાં ચિંતાનો વિષય બન્યા છે. ત્યારે પોલીસની અ સક્રિયતા આવકાર્ય છે. આશા રાખીએ કે, પોલીસ આ કેસની સઘન તપાસ કરીને ગુનેગારને સખત સજા અપાવશે, જેથી ભવિષ્યમાં આવા બેફામ ડ્રાઈવિંગ કરનારાઓને દાખલો બેસે.