Gandhinagar: ગુજરાત પોલીસમાં ફેરબદલ, વેઇટિંગ ફોર પોસ્ટિંગ રહેલા 5 DIG અને 1 SPને સોંપાઈ મહત્વની જવાબદારી

Feb 27, 2026 - 14:30

Join our WhatsApp Community to receive travel deals, free stays, and special offers!
- Join Now -

રાજ્યના ગૃહ વિભાગ દ્વારા લાંબા સમયથી કોઈ પણ પ્રકારની જવાબદારી વગર 'વેઇટિંગ ફોર પોસ્ટિંગ' પર રહેલા આઈપીએસ (IPS) અધિકારીઓને હંગામી ધોરણે અલગ-અલગ જવાબદારી સોંપવામાં આવી છે. આ નિર્ણયથી પોલીસ તંત્રના મહત્વના વિભાગોને નવા અનુભવી અધિકારીઓનું માર્ગદર્શન મળશે.

કયા અધિકારીને ક્યાં મુકાયા?

સરકાર દ્વારા જાહેર કરવામાં આવેલી યાદી મુજબ, કુલ 5 DIG કક્ષાના અધિકારીઓ અને 1 SPને મહત્વની શાખાઓમાં જવાબદારી સોંપવામાં આવી છે:

તરૂણ દુગ્ગલ: CID ક્રાઇમ હસ્તક જવાબદારી સોંપાઈ
ચૈતન્ય માંડલિક: પોલીસ સુધારણા (Police Reforms) વિભાગમાં મુકાયા
રાજન શુશ્રા: તકનીકી સેવાઓ (Technical Services) માં નિયુક્તિ
સુધા પાંડે: પોલીસ તાલીમ (Police Training) વિભાગમાં મુકાયા
સુજાતા મજમુદાર: પોલીસ તાલીમ (Police Training) વિભાગમાં કામગીરી સોંપાઈ
મયૂર પાટીલ (SP): કાયદો અને વ્યવસ્થા (Law and Order) હેઠળ એટેચ કરવામાં આવ્યા

લાંબા સમય બાદ નિમણૂક

ઉલ્લેખનીય છે કે, આ ઉચ્ચ અધિકારીઓ ઘણા સમયથી કોઈ ચોક્કસ પોસ્ટિંગ વગરના હતા. વહીવટી પ્રક્રિયા અને બદલીઓના રાઉન્ડ બાદ આ અધિકારીઓને કામગીરી સોંપવામાં આવતા પોલીસ બેડામાં ચર્ચા જાગી છે. આ તમામ નિમણૂકો હાલ હંગામી ધોરણે એટેચમેન્ટ તરીકે કરવામાં આવી છે, જે આગામી સમયમાં કાયમી પોસ્ટિંગ માટેનો સંકેત હોઈ શકે છે.

આ પણ વાંચો - Vadodara News: ઝોન-3 વિસ્તારમાંથી પકડાયેલા 1.34 કરોડના દારૂના જથ્થા પર બુલડોઝર ફરી વળ્યું