Dang: સાપુતારા પોલીસે પોક્સોના વોન્ટેડ આરોપીને રાજસ્થાનમાંથી ઝડપ્યો

સાપુતારા પોલીસે પોક્સોના વોન્ટેડ આરોપીને રાજસ્થાનમાંથી ઝડપ્યો છે. ઝડપાયેલ આરોપી સાપુતારામાં મજૂરી કામ કરતો હતો. રાજસ્થાનના ઉદયપુરમાં આરોપી વિરુદ્ધ ગુનો નોંધાયો હતો. સાપુતારા પોલીસે સમગ્ર મામલે વધુ તપાસ હાથ ધરી છે.ડાંગમાં આવેલા સાપુતારામાં પોકસોના વોન્ટેડ આરોપીને પોલીસે ઝડપી પાડ્યો છે. રાજસ્થાન રાજ્યના ઉદયપુર જિલ્લાના ઋષભદેવ પોલીસ સ્ટેશનના પોક્સોના ગંભીર ગુનામાં વોન્ટેડ આરોપીને સાપુતારા પોલીસે ઝડપી પાડ્યો છે. સાપુતારા પોલીસને સાપુતારા ઓડિટોરિયમ ખાતે મજૂરી કામ કરતો ઇસમ રાજસ્થાનમાં વોન્ટેડ હોવાની માહિતી મળી હતી, પોલીસે મળેલ માહિતી મુજબ તપાસ કરતા આરોપી હાજારામ નારાયણ મીણા જે રાજસ્થાન ઉદયપુર જિલ્લાના મગરાબાવશીનો રહેવાસી હોવાનું સામે આવ્યું હતું.આ સાથે વધુ તપાસ કરતા આરોપી રાજસ્થાન રાજ્યના ઉદયપુર જિલ્લાના ઋષભદેવ પોલીસ સ્ટેશનમાં નોંધાયેલ પોકસોના ગુનામાં વોન્ટેડ હોવાનું જણાઈ આવ્યું હતું, સાપુતારા પોલીસે સમગ્ર મામલે તપાસનો ધમધમાટ શરૂ કર્યો હતો. સાપુતારા પોલીસે પોક્સોના વોન્ટેડ આરોપીને રાજસ્થાનમાંથી ઝડપીને આગળની કાર્યવાહી હાથ ધરી છે.