Dahod : કોળીના પુવાડા ગામના મહિલા સરપંચ પર આક્ષેપ, સરપંચના પતિ જ ગામનો વહિવટ કરે છે

દાહોદના દેવગઢ બારિયામાં મહિલા સરપંચ વિવાદમાં આવ્યા છે. ગ્રામજનોએ કોળીના પુવાડા ગામના મહિલા સરપંચ પર આક્ષેપ કરતા મામલો ગરમાયો છે. ગ્રામજનોએ આરોપ લગાવ્યો કે સરપંચના પતિ ગ્રામપંચાયતના તમામ કાર્યો સંભાળે છે અને ચૂંટાયેલા મહિલા સરપંચ માત્ર નામના છે.

ગ્રામ પંચાયતનો વહીવટ સરપંચના પતિ સંભાળે છે

કોળીના પુવાડા ગામના મહિલા સરપંચ પર આક્ષેપ પર ચોંકાવનારા આરોપ લગાવ્યા છે. ગ્રામજનોએ કહ્યું છે કે ગ્રામ પંચાયતનો વહીવટ સરપંચના પતિ સંભાળે છે અને કાગળો પર સરપંચના પતિ સહી કરતા હોવાની કબૂલાત પણ કરી છે. મહલા સરપંચ યોગ્ય રીતે કામ ના કરતા હોવાથી ગ્રામજનો પ્રાથમિક સુવિધાઓથી વંચિત રહ્યા છે.

ઉદ્ધતાઇભર્યુ વર્તન કર્યું

ગ્રામજનોએ આરોપ પણ લગાવ્યો હતો કે મહિલા સરપંચના પતિએ ગ્રામજનો જ્યારે રજૂઆત કરવા ગયા ત્યારે તેમની સાથે ઉદ્ધતાઇભર્યુ વર્તન કર્યું હતું. મહિલા સરપંચ કોઇ કામ કરતા નથી અને વાસ્તવમાં તો તેમના પતિ જ ગ્રામ પંચાયત ચલાવે છે.

સરકારી કાગળો પર તે સહી કરે છે

જ્યારે ગ્રામ પંચાયતે તમામ ગ્રામજનો રજૂઆત કરવા ગયા ત્યારે મહિલા સરપંચના પતિએ સ્વીકાર્યું હતું કે સરકારી કાગળો પર તે સહી કરે છે. ગ્રામજનોએ આરોપ લગાવ્યા કે મહિલા સરપંચ કામ ના કરતા હોવાના કારણે શૌચાલય, નળસેજલ, રોડ-રસ્તા, કૂવા જેવી મૂળભૂત સુવિધાઓથી ગ્રામજનો વંચિત છે.