CAA હેઠળ પહેલીવાર 300 શરણાર્થીઓને મળી ભારતીય નાગરિકતા

કેન્દ્રીય ગૃહ સચિવે 14ને આપ્યા પ્રમાણપત્રCAA આ વર્ષે 11 માર્ચે લાગુ કરવામાં આવ્યો હતોપડોશી દેશોના હિન્દુ, શીખ, જૈન, બૌદ્ધ, પારસી અને ખ્રિસ્તીઓએ અરજી કરી હતીCAA લાગુ કર્યા બાદ પહેલીવાર કેન્દ્ર સરકારે 300 શરણાર્થીઓને ભારતીય નાગરિકતા આપી છે. બુધવારે કેન્દ્રીય ગૃહ સચિવે આવા 14 લોકોને નાગરિકતા પ્રમાણપત્ર પણ આપ્યા છે. આ શરણાર્થીઓ છેલ્લા ઘણા વર્ષોથી ભારતીય નાગરિકતા મેળવવાની લડાઈમાં લાગેલા હતા. 14 અરજદારોને પ્રમાણપત્રો આપ્યા અને તેમને અભિનંદન આપ્યા નાગરિકતા (સુધારા) નિયમો, 2024 ની સૂચના અમલમાં આવ્યા પછી, બુધવારે પ્રથમ વખત 300 લોકોને ભારતીય નાગરિકતા આપવામાં આવી છે. ગૃહ મંત્રાલયે તમામને નવી દિલ્હી બોલાવીને નાગરિકતા આપી હતી. કેન્દ્રીય ગૃહ સચિવ અજય કુમાર ભલ્લાએ 14 અરજદારોને પ્રમાણપત્રો આપ્યા અને તેમને અભિનંદન આપ્યા છે. CAA આ વર્ષે 11 માર્ચે લાગુ કરવામાં આવ્યો હતો કેન્દ્ર સરકારે આ વર્ષે 11 માર્ચે નાગરિકતા સંશોધન કાયદો એટલે કે CAA લાગુ કર્યો હતો. આ કાયદા હેઠળ, ભારતના ત્રણ પાડોશી દેશો પાકિસ્તાન, બાંગ્લાદેશ અને અફઘાનિસ્તાનમાંથી અત્યાચાર ગુજારાયેલા લઘુમતીઓને ભારતીય નાગરિકતા આપવામાં આવશે. જો કે, આ કાયદાનો લાભ ફક્ત તે લોકોને જ મળી શકે છે જેઓ 31 ડિસેમ્બર અથવા તે પહેલા ભારત આવ્યા છે. આ કાયદા હેઠળ પડોશી દેશોના હિન્દુ, શીખ, જૈન, બૌદ્ધ, પારસી અને ખ્રિસ્તીઓએ અરજી કરી હતી.