Botadની ફોર્ચ્યુન હોસ્પિટલમાં મહિલાના મોતનો મામલો: 27 કલાક બાદ પરિવારે મૃતદેહ સ્વીકાર્યો

બોટાદ શહેરની ફોર્ચ્યુન ખાનગી હોસ્પિટલમાં સારવાર દરમિયાન મહિલાના મોતને લઈને સર્જાયેલું ઘર્ષણ અને અંતરોધ આખરે શમ્યો છે. મહિલાના અચાનક થયેલા અવસાન બાદ પરિવારે હોસ્પિટલ તંત્ર સામે ગંભીર સવાલો ઉઠાવી મૃતદેહ સ્વીકારવાનો ઇનકાર કર્યો હતો. જોકે, બનાવના 27 કલાક જેટલા લાંબા સમયગાળા બાદ પોલીસ પ્રશાસન અને પરિવારજનો વચ્ચે યોજાયેલી વાટાઘાટો સફળ રહેતા મામલો થાળે પડ્યો છે.

પોલીસની મધ્યસ્થી અને પરિવારની સંમતિ

મહિલાના મોત બાદ પરિવારે હોસ્પિટલ ખાતે ન્યાયની માગ સાથે ભારે વિરોધ નોંધાવ્યો હતો. સ્થિતિ ગંભીર બનતા સ્થાનિક પોલીસ કાફલો સ્થળ પર પહોંચ્યો હતો અને પરિવારજનો સાથે સતત ચર્ચા-વિચારણા હાથ ધરી હતી. પોલીસ અધિકારીઓએ સમજાવટ પૂર્વક પરિવારને શાંત પાડ્યા હતા અને કાનૂની પ્રક્રિયા અનુસાર આગળ વધવા આશ્વાસન આપ્યું હતું, જેના પરિણામે પરિવારે 27 કલાક પછી આખરે મૃતદેહનો સ્વીકાર કર્યો હતો.

ફોરેન્સિક રિપોર્ટ આધારે આગળની કાર્યવાહી

પોલીસ તંત્ર દ્વારા પરિવારજનોને ખાતરી આપવામાં આવી છે કે મૃતક મહિલાના મૃતદેહને ફોરેન્સિક પોસ્ટેડ મોર્ટમ (PM) માટે મોકલવામાં આવ્યો છે. આ ફોરેન્સિક રિપોર્ટ આવ્યા બાદ જ મોતનું સાચું કારણ સ્પષ્ટ થશે અને જે પણ તબીબ કે હોસ્પિટલ તંત્રની લાપરવાહી સામે આવશે, તેમની સામે કાયદાકીય રીતે કડક કાર્યવાહી કરવામાં આવશે. હાલ પરિવારજનો હોસ્પિટલમાંથી મહિલાનો મૃતદેહ કબજે કરીને અંતિમ સંસ્કાર માટે રવાના થયા છે.

ગુજરાતના વધુ સમાચાર વાંચવા માટે ક્લિક કરો