Banaskantha News: વડગામમાં પ્રેમ લગ્ન કરનાર યુવતીને પરિજનો બળજબરી પૂર્વક ઉઠાવી ગયા, પ્રેમીએ પોલીસ ફરિયાદ કરી

ગુજરાતમા પ્રેમ પ્રકરણમાં અનેક પ્રકારના ગુનાઓ સામે આવતા હોય છે. ત્યારે બનાસકાંઠાના વડગામ તાલુકાના પેપોળ ગામમાં પ્રેમ લગ્નની અદાવતમાં એક યુવતીનું અપહરણ કરવામાં આવ્યું હોવાની ઘટના સામે આવી છે. પ્રેમ લગ્ન કરનાર પુત્રીને પરિવારજનો ઉપાડી ગયા હોવાની પોલીસ ફરિયાદ નોંધાઈ છે. પોલીસે ગુનો નોધી વધુ તપાસ હાથ ધરી છે.

યુવકે પોતાની પત્નીનું અપહરણ કર્યાની નોંધાવી ફરિયાદ

પ્રાપ્ત વિગતો પ્રમાણે બનાસકાંઠાના વડગામ તાલુકાના પેપોળ ગામમાં પ્રેમ લગ્ન કરનાર યુવતીને સાસરીમાંથી જ તેના પરિવારજનો ઉપાડી જતા મામલો પોલીસ સ્ટેશન પહોંચ્ય હતો. યુવતીને તેના પરિવારજનો બળજબરી પૂર્વક ઉપાડી જતાં તેના પ્રેમી પતિએ પોલીસ સ્ટેશનમાં 12 લોકો સામે પત્નીના અપહરણની ફરિયાદ નોંધાવી છે. અપહરણની ઘટનાના વીડિયો સોશિયલ મીડિયામાં વાયરલ થયા છે.

વડગામના પેપોળ ગામની ઘટનાનો વીડિયો વાયરલ

વડગામના માલણના વિપુલ પ્રજાપતિએ તેની પત્નીનું સાસરિયાઓ દ્વારા અપહરણ કરાયાની પોલીસ ફરિયાદ કરી છે. 12 લોકો સામે પોલીસ ફરિયાદ કરતાં પોલીસે વધુ તપાસ હાથ ધરી છે. ફરિયાદમાં જણાવ્યા પ્રમાણે નંબર પ્લેટ વિનાની સ્કોર્પિયો ગાડીમાં આવેલા શખ્સોએ તેની પત્નીનું અપહરણ કર્યું છે. અપહરણની ઘટનાના વીડિયો સોશિયલ મીડિયામાં વાયરલ થયાં છે. પોલીસે ગુનો નોંધી વધુ તપાસ હાથ ધરી છે.