Banaskantha News: સરહદી સુઈગામમાં ભારે વરસાદથી લોકોની હાલત કફોડી બની

બનાસકાંઠામાં વરસેલા ભારે વરસાદને કારણે તારાજીના દ્રશ્યો સર્જાયા છે. સરહદી વિસ્તાર સુઈગામમાં ખેતરો જળબંબાકારની સ્થિતિમાં છે. ખેડૂતોનો ઉભો પાક ધોવાઈ ગયો છે. ગામડાઓમાં ચાર દિવસ બાદ પણ પાણી ઉતર્યા નથી. ખેડૂતોના મોઢે આવેલો કોળિયો છીનવાયો છે. કોરેટ ગામમાં પાણી નહીં ઓસરતા લોકો મુશ્કેલીમાં મુકાયા છે.સુઇગામ તાલુકાના ગામડાઓની હાલત પણ કફોડી બની છે.

નદીઓ વહેતી હોય તેવી રીતે પાણી વહી રહ્યાં છે

ભારે વરસાદ વરસ્યાના ચાર દિવસ બાદ પણ ગામડાઓમાંથી પાણી ઓસર્યા નથી. મકાનોમાં પાણી ભરાઈ જતાં લોકો તંબુ બાંધી રહેવા મજબૂર બન્યાં છે. ગામમાં નદીઓ વહેતી હોય તેવી રીતે પાણી વહી રહ્યાં છે. લોકોને અડધી રાત્રે પરિવાર સાથે ઘર છોડવાનો વારો આવ્યો છે. લોકો પોતાની સ્થિતિને લઈ આંખમાંથી આંસુ સારી રહ્યાં છે. પૂર બાદ વાવ સુઇગામ હાઇવે પર તબાહીના દ્રશ્યો જોવા મળ્યાં છે. હાઈવે ઉપર ઠેર ઠેર પશુઓના મૃતદેહ જોવા મળ્યા છે. પૂરગ્રસ્ત તાલુકાઓમાં અસંખ્ય પશુઓના મોત થયાં હોવાનું જાણવા મળ્યું છે. પશુપાલન વિભાગે મૃત પશુઓનો સરવે શરૂ કર્યો છે. પશુપાલકો પશુઓના મોતથી આર્થિક સંકટમાં મુકાયા છે.