Ahmedabadમાં કારની ટક્કરથી બાળકનું મોત, પોલીસની પ્લેટ કારમાંથી મળી આવતા સ્થાનિકો વિફર્યા

અમદાવાદના ચાંદખેડામાં કારની ટક્કરથી બાળકનું મોત થયું હોવાની વાત સામે આવી છે,જેમાં પોલીસ લખેલી કારે અકસ્માત સર્જતા વિવાદ વધ્યો હતો તો જે વ્યકિત કાર ચલાવતો હતો તે પોલીસમાં નહી હોવાનું સામે આવ્યું છે,પરંતુ તેના પરિવારમાંથી કોઈ સભ્ય પોલીસમાં હોવાની વાત સામે આવી છે,સમગ્ર ઘટનામાં પોલીસે કાર ચાલકની અટકાયત કરી છે.

પોલીસ લખેલી કારે સર્જયો અકસ્માત

અમદાવાદના ચાંદખેડામાં પોલીસ લખેલી કારે અકસ્માત સર્જયો હોવાની વાત સામે આવી છે.ચાંદખેડા વિસ્તારમાં બાળક રમી રહ્યું હતુ તે દરમિયાન કાર ચાલકની બેદરકારીના કારણે બાળકનો જીવ ગયો છે,ઘટનાની જાણ થતાની સાથે જ લોકોએ કાર ચાલકને ઝડપ્યો હતો અને મેથીપાક ચખાડયો હતો,પહેલા કાર ચાલક રટણ કરતો હતો કે તે પોલીસમાં છે પછી જાણ થઈ કે તેના પરિવારના કોઈ સભ્ય પોલીસમાં છે.કાર ચાલકે ચાંદખેડાના સ્નેહ પ્લાઝા પાસે પણ રીક્ષાને ટક્કર મારી હતી.

ગાડીમાં દારુ હોવાનો સ્થાનિકોનો આરોપ

પોલીસે આરોપીની અટકાય કરી છે અને પોલીસ સ્ટેશન લઈ જવામાં આવ્યો છે,એલ ડિવિઝન ટ્રાફિક પોલીસે કાર્યવાહી હાથધરી છે,સ્થાનિકોનો આક્ષેપ છે કે કાર ચાલક દારૂ પીને કાર ચલાવતો હતો અને અકસ્માત સર્જાયો છે,ત્યારે પોલીસે હાલમાં કાર ચાલકની પૂછપરછ કરીને તપાસનો ધમધમાટ શરૂ કર્યો છે,પોલીસે આસપાસના સીસીટીવી પણ લીધા છે.

પરિવારમાં છવાયો આક્રંદ

ચાંદખેડામાં કારની ટક્કરથી બાળકનું મોત થતા પરિવારમાં આક્રંદ છવાયો છે,પોલીસે મૃતદેહનો કબજો મેળવીને મૃતદેહને પીએમ માટે મોકલી આપ્યો છે અને પીએમ થયા બાદ બાળકના મૃતદેહને પરિવારને સોંપવામાં આવશે ત્યારે જોવાનું એ રહ્યું કે પોલીસ કાર ચાલક સામે શું ગુનો નોંધે છે,પોલીસના ઉચ્ચ અધિકારીઓ પણ ઘટના સ્થળે પહોંચ્યા છે.