Ahmedabad: હરિયાણાથી નડિયાદ જતો દારૂનો જથ્થો પકડાયો, નરોડામાં PCBની રેડમાં રાજસ્થાની શખ્સ ઝડપાયો, 4 બુટલેગર ફરાર

Apr 25, 2026 - 09:00

Join our WhatsApp Community to receive travel deals, free stays, and special offers!
- Join Now -

રાજ્યમાં આગામી સ્થાનિક સ્વરાજ્યની ચૂંટણીને પગલે કાયદો અને વ્યવસ્થા જાળવવા પોલીસ એક્શન મોડમાં છે. તેવામાં અમદાવાદ પીસીબી (PCB) એ નરોડા વિસ્તારમાંથી લાખોની કિંમતનો વિદેશી દારૂ ઝડપી પાડી મોટી સફળતા મેળવી છે.

નરોડા સર્કલ પાસે દરોડો

ચોક્કસ બાતમીના આધારે પીસીબીની ટીમે નરોડા સર્કલ પાસે વોચ ગોઠવીને રેડ કરી હતી. તપાસ દરમિયાન એક વાહનમાંથી ₹67.57 લાખની કિંમતનો વિદેશી દારૂ મળી આવ્યો હતો. પ્રાથમિક તપાસમાં જાણવા મળ્યું છે કે આ દારૂનો જથ્થો હરિયાણાથી નડિયાદ તરફ લઈ જવામાં આવી રહ્યો હતો.

ધરપકડ અને તપાસ

પોલીસે આ મામલે રાજસ્થાનના એક આરોપીની સ્થળ પરથી ધરપકડ કરી છે. જોકે, આ નેટવર્ક સાથે સંકળાયેલા અન્ય 4 બુટલેગરો ફરાર થઈ જવામાં સફળ રહ્યા છે, જેમને પકડવા માટે પોલીસે ચક્રો ગતિમાન કર્યા છે.

આ પણ વાંચો: Local Body Election 2026: લોકશાહીનો મહાકુંભ, આવતીકાલે સ્થાનિક સ્વરાજ્યની ચૂંટણીનું મતદાન