Ahmedabad: સિંગરવામાં હુડકો એસો.નાપ્રમુખે ભાઇ સાથે મળીને યુવતીનીછેડતી કરી તેના ભાઇને મારમાર્યો

સિંગરવામાં હુડકોમાં રહેતા સભ્યો તબદીલી પત્ર અને વહીવટી ખર્ચા અંગે વાત કરવા ઓફ્સિે પહોચ્યા હતા.

ત્યાં હુડકો રિ-ડેવલોપમેન્ટ એસોશિયેશન પ્રમુખે અહિયા કેમ આવ્યો છો કહીને બિભત્સ ગાળો બોલીને ભાઇ સાથે મળીને યુવતીની છેડતી કરીને તેના ભાઇને માર માર્યો હતો. બીજી તરફ્ પ્રમુખ અને તેના ભાઇએ પણ યુવતી, તેનાભાઇ અને માતાએ કેમનો પ્રમુખ બન્યો કહીને માર માર્યો હતો. નિકોલ પોલીસે બંને પક્ષોની ફરીયાદ લઇને ગુનો નોધીને વધુ તપાસ શરૂ કરી છે.

સિંગરવા-કઠવાડા રોડ પર હુડકોના મકાનમાં 28 વર્ષીય યુવતી પરિવાર સાથે રહે છે. ગત 11 ઓક્ટોમ્બરે યુવતી તેની માતા તેમજ હુડકો સિંગરવામાં રહેતા કેટલાક સભ્યોના તબદીલી પત્રો બાકી છે તે તમામ હુકડો ખાતે ગયા હતા. ત્યાં કમિટીના સભ્યો હાજર હતા. બાદમાં કમિટીના સભ્યો સાથે રહીશો તબદીલી પત્ર અને વહીવટી ખર્ચા બાબતે વાતચીત કરતા હતા. ત્યારે પ્રમુખ આવ્યા હતા અને યુવતીની માતાને કેમ અહિયા આવ્યા છો કહેતા યુવતીની માતાએ હું જ્યારે ઓફ્સિ આવુ ત્યારે તમે હાજર હોતા નથી પ્રમુખ બન્યા છો તો હાજર રહેવુ જોઇએ તેમ કહેતા પ્રમુખે ઉશ્કેરાઇને બિભત્સ ગાળો બોલતો હતો. ત્યારે પ્રમુખના ભાઇએ યુવતીના ભાઇને વાળ પકડીને માર માર્યો હતો. જેથી યુવતી છોડાવવા વચ્ચે પડતા પ્રકાશે તેની છેડતી કરી હતી. આ અંગે યુવતીએ પ્રમુખ અને તેના ભાઇ સામે છેડતીની નિકોલ પોલીસ સ્ટેશનમાં ફરીયાદ નોધાવી છે. બીજી તરફ્ પ્રમુખના ભાઇએ પણ યુવતી, તેનાભાઇ અને માતાએ દુષ્યંતને કેમનો પ્રમુખ બની ગયો છે આજે તને પતાવી દેવાનો છે કહીને બંને ભાઇઓને માર માર્યો હોવાની નિકોલ પોલીસ સ્ટેશનમાં ફરીયાદ નોધાવી છે. નિકોલ પોલીસે બંને પક્ષોની ફરીયાદ નોધીને વધુ તપાસ શરૂ કરી છે.