Ahmedabad: સરખેજમાં અસામાજિક તત્વો બેફામ બન્યા, બેઝબોલ અને ધોકાથી કેન્ટીનમાં કરી તોડફોડ

અમદાવાદ શહેરના સરખેજ વિસ્તારમાં આવેલા કિચન કિંગ હોસ્પિટાલીટી નામની કેન્ટીનમાં આગ લગાવવાનો બનાવ બન્યો હતો. કેન્ટીનમાં 20થી 25 વર્ષના બે યુવકોએ બુરખો પહેરી પ્રવેશ કરીને બેઝબોલના ડંડા વડે તોડફોડ કરીને આતંક મચાવ્યો હતો અને ત્યારબાદ જ્વલનશીલ પ્રવાહી નાખી આગ લગાવી હતી.કિચનકિંગ હોસ્પિટાલિટી કેન્ટીનમાં લગાવી આગ તમને જણાવી દઈએ કે કિચનકિંગ હોસ્પિટાલિટી કેન્ટીનમાં બે યુવકો મોઢું છુપાવીને આગ લગાવ્યા બાદ ફરાર થઈ ગયા હતા અને ઘટનાને પગલે આસપાસમાં રહેલા લોકોમાં મોટો ભય જોવા મળ્યો હતો. આ બનાવ અંગે સરખેજ પોલીસને માહિતી મળતા પોલીસે આગ લગાડનાર અસામાજિક તત્વોની શોધખોળ હાથ ધરી છે. ત્યારે તપાસ દરમિયાન પોલીસને ઘટનાના સીસીટીવી ફૂટેજ પણ મળી આવ્યા છે. સરખેજ પોલીસે ગુનો નોંધી બંને આરોપીઓની શોધખોળ હાથ ધરી સીસીટીવી કેમેરાના વીડિયોમાં આરોપીઓની સમગ્ર કરતુત કેદ છે, જે સ્પષ્ટપણે જોઈ શકાય છે, જેમાં ઈકો ગાડી લઈને આવેલા આ બે યુવકોએ આતંક મચાવ્યો હતો અને આગ પણ લગાવી હતી. જે મામલે સરખેજ પોલીસે ગુનો નોંધી આ બંને આરોપીઓની શોધખોળ હાથ ધરી છે.