Ahmedabad: શાહીબાગમાં ગેસબિલ બાકી એપીકે ફાઇલ મોકલી ઠગે યુવક પાસેથી રૂ.1.57લાખ પડાવ્યા

Oct 6, 2025 - 02:30

Join our WhatsApp Community to receive travel deals, free stays, and special offers!
- Join Now -

ભાટગામમાં રહેતા માલવ સોની કન્સ્ટ્રક્શનની ઓફ્સિમાં નોકરી કરે છે. ગત 29 સપ્ટેમ્બરે તે નોકરી પર હતા ત્યારે તેમના પિતા ભુપેશભાઇના ફોનમાં વોટ્સએપ મેસેજ આવ્યો હતો.

તેમાં ગેસ કનેક્શનના બીલનું પેમેન્ટ ભરવાની છેલ્લી તારીખ છે તમારે ગેસ કનેક્શન ચાલુ રાખવુ હોય તો નંબર આપ્યો છે તેમાં સંપર્ક કરો. જેથી ભુપેશભાઇએ સંપર્ક કરીને બીલ ભર્યુ હતુ. બાદમાં રિસિપ્ટ માંગતા સર્વર ડાઉન હોવાથી પેમેન્ટ થયુ નથી. બાદમાં ગઠિયાએ પેમેન્ટ માટે એપીકે ફાઈલ મોકલી હતી. પરંતુ તેમના મોબાઇલમાં ન ખુલતા પુત્ર માલવને મોકલી હતી. બાદમાં ફોન કરતા ગઠિયાએ તમામ વિગતો જણાવતા માલવને વિશ્વાસ આવતા ફાઈલ ખોલતા પેમેન્ટ કરવાજતા ફોન હેક થઇ ગયો હતો. બાદમાં ગઠિયાએ એકાઉન્ટમાંથી કુલ રૂ. 1.57 લાખ ઉપડી જતા ઠગાઇની જાણ થઇ હતી. આ અંગે માલવે અજાણ્યા ગઠિયા સામે શાહિબાગ પોલીસ સ્ટેશનમાં ફરીયાદ નોધાવી છે.