Ahmedabad : નશાની લત પૂરી કરવા અને મોજશોખ માટે ચોરી કરતા બે લબર મૂછિયાઓ ઝડપાયા

નશાની લત પૂરી કરવા અને મોજશોખ માટે બે લબર મૂછિયાઓએ મેડિકલ સ્ટોરમાંથી રૂપિયા 9 લાખની ચોરી કરી હતી. જો કે ગણતરી ની કલાકોમાં પોલીસે બંને ને ઝડપી લીધા છે. ચોરી કર્યા બાદ આરોપીઓએ ચોરીના રૂપિયામાંથી બે મોબાઈલ પણ ખરીધ્યા હતા..

બંને આરોપીઓને ભૈરવનાથ ચાર રસ્તા નજીક ઝડપાયા

મણિનગર પોલીસે મોહમ્મદ તબરેજ શેખ અને મોહમ્મદ શાજીદ શેખની ચોરીના ગુનામાં ધરપકડ કરી છે. આરોપીઓએ 19મી સપ્ટેમ્બર ના મોડી રાત્રે મણિનગર જય હિન્દ ચાર રસ્તા પર આવેલ માઈ મેડિકલ એજન્સી નામની દુકાનમાંથી રૂપિયા 9 લાખ રોકડની ચોરી કરી હતી.. જે બનાવની જાણ પોલીસને કરતા પોલીસે આસપાસના સીસીટીવી ફૂટેજ ના આધારે તપાસ શરૂ કરી હતી અને બાતમી મળતા બંને આરોપીઓને ભૈરવનાથ ચાર રસ્તા નજીકથી ઝડપી પાડ્યા છે..

1.91 લાખ નો મુદ્દામાલ કબ્જે

આરોપી મોહમ્મદ તબરેજ શેખ પાસેથી પોલીસે 1,80,000 રોકડ અને મોહમ્મદ સાજીદ શેખ પાસેથી રૂપિયા 4500 રોકડા એમ કુલ 1.91 લાખ નો મુદ્દામાલ કબ્જે કર્યો છે. પોલીસ તપાસમાં સામે આવ્યું છે કે આરોપીઓએ ચોરીના રૂપિયામાંથી બે મોબાઈલ ફોન પણ ખરીદ્યા હતા.. અન્ય ગુનાના ભેદ પણ ઉકેલાઈ શકે

બંને આરોપીઓ અગાઉ પણ અનેક ગુનાઓ આચરી ચૂક્યા છે..હાલમાં પોલીસે આરોપીઓની ધરપકડ કરીને વધુ તપાસ શરૂ કરી છે..જો કે તપાસ દરમિયાન અન્ય ગુનાના ભેદ પણ ઉકેલાઈ શકે તેવી શક્યતા છે