14 શાળા, 10 મંદિરો સહિત કરમસદ સજ્જડ બંધ

- આણંદ મહાનગરપાલિકામાં સરદાર પટેલના વતનનો સમાવેશ કરતા વિરોધ વકર્યો- લારી અને ગલ્લાંવાળા, નાના-મોટા વેપારીઓ સહિતનાએ ધંધા-રોજગાર બંધ રાખ્યા ઃ મનપામાં ભેળવવાનો નિર્ણય નહીં બદલાય તો ઉગ્ર આંદોલનની ચિમકી આણંદ : કરમસદ નગરપાલિકાને આણંદ મહાનગરપાલિકામાં ભેળવવાના વિરોધમાં રવિવારે કરમસદમાં ગામેરૂં ભરાયું હતું. જેમાં સોમવારે સ્વૈચ્છિક બંધ પાળીને વિરોધ કરવાનો સર્વાનુમતે નિર્ણય લેવામાં આવ્યો હતો. જેને પગલે સોમવારે સવારથી જ કરમસદવાસીઓ દ્વારા પોતાના ધંધા-રોજગાર બંધ રાખીને બંધને સમર્થન આપ્યું હતું. ૧૦થી વધુ મંદિરો, ૧૪થી વધુ શાળાઓ સહિતના દ્વારા બંધ પાડવામાં આવ્યું હતું.