સૌરાષ્ટ્રના 9 ડેમો મેદાનમાં ફેરવાયા : રાજ્યના 30 ડેમો 90 ટકા ખાલી થયા

Apr 16, 2026 - 09:30

Join our WhatsApp Community to receive travel deals, free stays, and special offers!
- Join Now -

રાજ્યના સ્ટોરેજમાં એક માસમાં 58,675 MCFT ઘટાડો : ઉત્તર ગુજરાત અને કચ્છ-સૌરાષ્ટ્રમાં જીવંત જળરાશિ 50 ટકાથી ઓછી, 30 ડેમોમાં 70 ટકાથી વધુ સહિત રાજ્યમાં સરેરાશ 63.93 ટકા સંગ્રહ

રાજકોટ, : ઉનાળામાં લૂ વર્ષા અને બફારા વચ્ચે રાજ્યભરમાં જળમાંગમાં અને જળવપરાશમાં ક્રમશઃ વધારો થઈ રહ્યો છે ત્યારે આજની સ્થિતિએ રાજ્યમાં 9 ડેમો મેદાન બની ગયા છે અર્થાત્ 99થી 100 ટકા ખાલી છે જે તમામ ડેમ સૌરાષ્ટ્રના છે. જ્યારે આ સહિત કૂલ 30 ડેમોમાં માત્ર 10 ટકા જ પાણી બચ્યું છે અર્થાત્ 90 ટકા ખાલી છે અને આ પૈકીના 29 ડેમ પણ સૌરાષ્ટ્રના છે.

રાજ્યમાં ઝોન વાઈઝ ચિત્ર મૂજબ ઉત્તર ગુજરાતના 15 ડેમો, સૌરાષ્ટ્રના 141 અને કચ્છના 20 ડેમોમાં સરેરાશ જીવંત જળરાશિ 50 ટકા કરતા પણ ઓછી છે.