સુરતમાં માથાભારે પશુપાલકોની દાદાગીરી : કાપોદ્રામાં ઢોર પકડવા ગયેલી ટીમ પર લાકડી વડે હુમલો

Attack on Cattle Party : સુરત સહિત સમગ્ર ગુજરાતમાં રખડતા ઢોર સામે કડક કાર્યવાહી થઈ રહી છે તેમ છતાં સુરતમાં કેટલાક પશુપાલકોની દાદાગીરી માઝા મુકી રહી છે. આજે પાલિકાના વરાછા ઝોનમાં રખડતા ઢોર પકડવા ગયેલી ટીમ પર પશુપાલકોએ લાકડી વડે હુમલો કર્યો હતો. આ ઘટના બાદ પાલિકાએ માથાભારે પશુપાલકો સામે પોલીસ ફરિયાદ દાખલ કરવાની કવાયત પણ હાથ ધરી છે.સુરત પાલિકાના વરાછા ઝોનમાં આવેલા કાપોદ્રા બ્રિજ નીચે રખડતા ઢોર પકડવાની ફરિયાદ બાદ કામગીરી શરૂ કરવામાં આવી હતી. મહાનગર પાલિકાની એક ટીમ દ્વારા રસ્તા પર રખડતાં ઢોર ને ઝડપી પાડવા માટેની કામગીરી શરૂ કરી હતી.