સુરતના વરાછામાં સિલિન્ડર બ્લાસ્ટ, ધડાકો થતાં સ્થાનિકોમાં અફરાતફરીનો માહોલ

Fire in Surat : રાજ્યમાં સતત આગની ઘટનાઓમાં વધારો થઇ રહ્યો છે. ત્યારે સુરતના વરાછામાં આવેલા એક ગાડાઉનમાં સિલિન્ડર બ્લાસ્ટ થયો હતો. વરાછા વિસ્તારમાં આવેલી વૈભવ લક્ષ્મી રેસિડેન્સીની પાછળ એકાએક ગેસ સિલિન્ડરમાં ધડાકો થતાં સ્થાનિકોમાં અફરાતફરીનો માહોલ સર્જાયો હતો. મળતી માહિતી અનુસાર વૈભવ લક્ષ્મી રેસિડેન્સીની પાછળ પતરાના શેડમાં ચાલતાં ફર્નિચરના ગોડાઉનમાંજોરદાર  ધડાકો થયો હતો, અને ત્યાર બાદ આગ ફાટી નીકળી હતી. આગ લાગી હોવાની જાણ કરવામાં આવતાં ત્રણ ફાયર સ્ટેશનની ગાડીઓ ઘટનાસ્થળે પહોંચી ગઇ હતી.