સરકારી કામ મેળવવા કોન્ટ્રાક્ટરે સીએના નામનું બનાવટી સર્ટીફિકેટ બનાવ્યું

Aug 23, 2025 - 02:30

Join our WhatsApp Community to receive travel deals, free stays, and special offers!
- Join Now -

અમદાવાદ,શુક્રવાર

બોપલમાં રહેતા એક કોન્ટ્રાક્ટરે અમરેલી સ્થિત ચાર્ટડ એકાઉન્ટન્ટ પાસે તેમની કંપનીના પાંચ વર્ષનો ઓડિટ રિપોર્ટ મંગાવીને તેના નામથી ભળતો અન્ય બનાવટી રિપોર્ટ તૈયાર કરીને સરકારી કોન્ટ્રાક્ટ મેળવવા માટે વસ્ત્રાપુર સ્થિત માર્ગ અને મકાન વિભાગની કાર્યપાલક ઇજનેરની કચેરીમાં જમા કરાવીને છેતરપિંડી કરી હોવાની ફરિયાદ વસ્ત્રાપુર પોલીસ મથકે નોંધવામાં આવી છે.

અમરેલીમાં રહેતા અશોકભાઇ કોઠીયા ચાર્ટડ એકાઉન્ટન્ટ તરીકે પ્રેક્ટીશ કરે છે. બોપલના સ્ટર્લિગ સીટીમાં રહેતા રાજેશ તળાવિયા અને અન્ય ત્રણ ભાગીદાર ધરતી એન્જીનીયરીંગ નામની કંપની ધરાવે છે અને તેમણે ઓડિટનું કામ અશોકભાઇની ફર્મને આપેલું હતું. ગત ૨૬મી નવેમ્બર ૨૦૨૪ના રોજ રાજેશ તળાવિયાએ ફોન કરીને તેમની કંપનીનો પાંચ વર્ષનો ઓડીટ રિપોર્ટ મંગાવ્યો હતો.