વડોદરામાં નવા વર્ષમાં દબાણ શાખા એક્શનમાં : ફતેપુરા ચાર રસ્તા ખાતે સ્લેબ અને કરોડીયામાં પતરાના સાત ગેરકાયદે શેડનો સફાયો

Vadodara Corporation Demolition : નવા વર્ષના પ્રારંભથી જ પાલિકાની દબાણ શાખાએ ફરી એકવાર ગેરકાયદે દબાણનો સપાટો બોલાવ્યો છે ત્યારે શહેર નજીક આવેલા કરોડિયા ગામની દેસાઈ પુરા રેલવે ફાટક પાસે પતરાથી ગેરકાયદે બનાવેલા સાત જેટલા શેડ ગેરકાયદેથી દબાણ શાખાની ટીમે તમામ ગેરકાયદે શેડ પર બુલડોઝર ફેરવી દીધું હતું. ઉલ્લેખનીય છે કે પતરાના આ તમામ શેડ ગેરકાયદે હોવાની ફરિયાદ પાલિકા તંત્રને મળી હતી. જેથી દેવુભા ગોહિલ, વોર્ડ 8ના ક્લાર્ક યોગેશ પટેલ, રસેશ કોઠારી તથા સેનેટરી સુપરવાઇઝર હસમુખ પઢીયારની સહિતની ટીમ કામે લાગી હતી. જ્યારે બીજી બાજુ વાહન વ્યવહારથી ધમધમતા ફતેપુરા વિસ્તારના ચાર રસ્તા પાસે આવેલા નવા બંધાઈ રહેલા મકાનનો 10×25 ફૂટનો સ્લેબ ગેરકાયદે હોવાની જાણ થઈ હતી. આ અંગે પાલિકા તંત્ર દ્વારા મકાન માલિકને જાણ કરવામાં આવી હતી.