વડોદરા-કરજણ હાઇવેની ટ્રાફિક સમસ્યા ઉકેલવા જતાં હાઇવેના દબાણોનું કામ પોલીસને માથે આવ્યું

Aug 1, 2025 - 17:30

Join our WhatsApp Community to receive travel deals, free stays, and special offers!
- Join Now -

વડોદરાઃ વડોદરાની આસપાસ હાઈવે ઉપર ઠેક ઠેકાણે દબાણો થયા છે ત્યારે નેશનલ હાઈવે ઓથોરિટીની દબાણો દૂર કરવાની કામગીરી વડોદરા પોલીસના માથે આવી છે.

વડોદરા-કરજણ વચ્ચે વારંવાર ૧૦ થી ૧૫ કિલોમીટર ટ્રાફિક જામ થતો હોવાથી લાંબા સમયથી ચાલતી ટ્રાફિકની સમસ્યા ઉકેલવા માટે વડોદરા પોલીસ કમિશનર દ્વારા હાઇવે ઓથોરિટી,કોર્પોરેશન,આરએન્ડબી, આરટીઓ જેવા વિભાગોના અધિકારીઓને સાથે રાખી શોર્ટ ટર્મ એક્શન પ્લાન બનાવ્યો છે.

તો બીજીતરફ કરજણ હાઇવેના ઇસ્યુ બાદ વડોદરા પોલીસને માથે હાઇવે ઓથોરિટી હેઠળ આવતી જગ્યાઓ ખાલી કરવાની જવાબદારી આવી ગઇ છે.જેથી જોઇન્ટ પોલીસ કમિશનર ડો.લીના પાટીલ અને ડીસીપી પન્ના મોમાયાની આગેવાનીમાં પોલીસે ગઈકાલે ગોલ્ડન ચોકડી પાસેના દબાણો દૂર કર્યા હતા.