લીંબડી-રાજકોટ હાઈવે પર ટ્રેલર પાછળ કાર ઘૂસી જતા દંપતીના મોત મામલે ફરિયાદ નોંધાવાઈ

- કાર ચલાવનારા અને અકસ્માતમાં મૃત્યુ પામેલા આધેડ વિરૃદ્ધ ટ્રેલર ચાલકે ફરિયાદ નોંધાવીસુરેન્દ્રનગર : અમદાવાદ-રાજકોટ નેશનલ હાઈવે પર ચાર દિવસ પહેલા બલદાણા ગામના પાટીયા પાસે ટ્રેલર પાછળ કાર ઘુસી જતા ઘટના સ્થળે આધેડ દંપતિનું મોત નીપજ્યું હતું. જે મામલે ટ્રેલરના ચાલકે કારચાલક સામે વઢવાણ પોલીસ મથકે ફરિયાદ નોંધાવતા પોલીસે વધુ તપાસ હાથધરી છે. આ અંગે પોલીસ સુત્રો પાસેથી મળતી માહિતી મુજબ અમદાવાદ-રાજકોટ હાઈવે પર બલદાણા ગામ પાસે આવેલ એક પંપ નજીક હાઈવે પર બંધ ટ્રેલર પાછળ રાજકોટ તરફથી આવી રહેલ કાર ધડાકાભેર ઘુસી જતા કારમાં સવાર રાજકોટના આધેડ દંપતિ રમેશભાઈ જમનાદાસ લુહાણા અને તેમના પત્નિ ગીતાબેન રમેશચંદ્ર લુહાણાને માથાના તેમજ શરીરના ભાગે ગંભીર ઈજાઓ પહોંચતા ઘટના સ્થળે મોત નીપજયા હતા જે મામલે ટ્રેલરના ચાલક ઈશ્વરલાલ ભવરલાલ રબારીએ કાર ચલાવનાર ચાલક રમેશચંદ્ર લુહાણા સામે ફરિયાદ નોંધાવી છે.