રાજકોટમાં ગેરકાયદે રહેતા 5 આફ્રિકન વિદ્યાર્થી ઝડપાયા, તંત્રએ શરૂ કરી ડિપોર્ટેશનની તૈયારી

Aug 27, 2025 - 11:30

Join our WhatsApp Community to receive travel deals, free stays, and special offers!
- Join Now -

Rajkot News: રાજકોટની મારવાડી સહિતની યુનિવર્સિટીમાં અભ્યાસ કરતાં આફ્રિકા ખંડના દેશોના અમુક વિદ્યાર્થીઓ ગેરકાયદે અને અનૈતિક પ્રવૃત્તિમાં સંડોવાયેલા હોવાના આક્ષેપ બાદ ગઈકાલથી ક્રાઇમ બ્રાંચ અને એસઓજીની ટીમોએ 250 જેટલા આફ્રિકાના વિદ્યાર્થીઓના પાસપોર્ટ અને વીઝા ચેક કર્યા હતા. જેમાંથી આફ્રિકાની 5 યુવતી અને 2 યુવાનો ગેરકાયદે રીતે રહેતાં હોવાનું ખુલતાં આ તમામને ડિપોર્ટ કરવાની કાર્યવાહી હાથ ધરાઈ છે.

ક્રાઇમ બ્રાન્ચની તપાસમાં થયો ખુલાસો

મંગળવારે (26 ઓગસ્ટ) એસઓજી અને ક્રાઇમ બ્રાન્ચની ટીમોએ કરેલી તપાસમાં આફ્રિકા ખંડના દેશોની ચાર યુવતી અને એક યુવાન વિઝાની મુદત પુરી થઈ ગઈ હોવા છતાં રહેતાં હોવાનું ખુલ્યું હતું. બુધવારે થયેલી તપાસમાં આફ્રિકા ખંડના દેશોની વધુ એક યુવતી અને એક યુવાન ગેરકાયદે રહેતા હોવાનું ખુલ્યું હતું.