યુવતીની છેડતી બાદ ઠપકો આપવા ગયેલા પિતાની હત્યાના કેસમાં યુવકને આજીવન કેદની સજા ફટકારતી કોર્ટ

વડોદરા  શહેરના હાથીખાના પાસેની રામદેવપીરની ચાલી ખાતે વર્ષ 2021 દરમ્યાન  ફરિયાદી યુવતીની છેડતી બાદ યુવતીના માતાપિતાએ આરોપીને ઠપકો આપવાની અદાવત રાખી યુવતીના પિતાની હત્યા કેસમાં અદાલતે આરોપીને કસૂરવાર ઠેરવી આજીવન સખત કેદની સજા ફટકારતો હુકમ કર્યો છે. ફરિયાદીના માતાને છાતીમાં દુખાવો થતો હોય 17 માર્ચ 2021 ના રોજ રાત્રિના 11:00 વાગ્યાના સુમારે મહિલા સંબંધી ફરિયાદીના ઘરે ખબર કાઢવા માટે પહોંચ્યા હતા. ત્યારબાદ ફરિયાદી અને તેમની બહેન સંબંધીને રસ્તા સુધી મૂકવા માટે ગયા હતા. તે સમયે આરોપી આરોપી વરૂણ ઉર્ફે અરુણ મહેન્દ્રભાઈ પટેલ (રહે- રામદેવ પીરની  ચાલી, હાથીખાના ,કારેલીબાગ) એ ફરિયાદીને તું મને મળ મારે તારું કામ છે તેમ કહેતા ફરિયાદીએ આ બાબતની જાણ માતા-પિતાને કરતા ફરિયાદીના માતા પિતા આરોપીના ઘરે આરોપીને પત્નીને બનાવ અંગે જણાવવા  ગયા હતા. ત્યારબાદ આરોપી તેના હાથમાં ચાકુ લઈ ફરિયાદીના ઘરમાં ઘૂસી જતા ફરિયાદીના પિતા પોતાનો જીવ બચાવવા ઘરની બહાર દોડી ગયા હતા.