મોરબીના હળવદમાં ચકચારી ઘટના, માથું અને હાથ કપાયેલી હાલતમાં અજાણ્યા પુરુષનો મૃતદેહ મળ્યો

Oct 19, 2025 - 13:30

Join our WhatsApp Community to receive travel deals, free stays, and special offers!
- Join Now -

Morbi News: મોરબીના હળવદમાં એક ગંભીર અને ચકચારભરી ઘટના સામે આવી છે, જેમાં એક અજાણ્યા પુરુષનો મૃતદેહ માથું અને હાથ કપાયેલી અત્યંત ભયાનક હાલતમાં મળી આવતા ખળભળાટ મચી ગયો છે. પોલીસે તાત્કાલિક ઘટના સ્થળે પહોંચી જઈને હત્યાની આશંકાને પગલે તપાસનો ધમધમાટ શરૂ કરી દીધો છે.

પ્રાપ્ત વિગતો અનુસાર, હળવદમાં રાતકડી હનુમાનજી જવાના રોડ ઉપર મેલડી માતાના મંદિર સામે આવેલા એક ખેતરમાં આ અજાણ્યા પુરુષનો મૃતદેહ મળી આવ્યો હતો. સ્થાનિકો દ્વારા આ અંગે જાણ થતાં પોલીસનો કાફલો ઘટના સ્થળે દોડી ગયો હતો. પોલીસ તપાસમાં સામે આવ્યું છે કે મૃતદેહનું માથું કપાયેલી હાલતમાં છે અને મૃતદેહથી લગભગ 20 ફૂટ દૂર કપાયેલો એક હાથ પણ પડ્યો હતો.