ભોગાવો નદીમાં મેડિકલ વેસ્ટનો જથ્થો ઠાલવતા ત્રણ શખ્સને સ્થાનિકોએ ઝડપ્યા

- જોરાવરનગર પાસે લોકોએ વોચ ગોઠવી - સ્ટ્રેચરમાં લવાયેલો મેડિકલ વેસ્ટ નજીકની હોસ્પિટલનો હોવાની આશંકા : શખ્સોના ફોટા-વીડિયો વાયરલસુરેન્દ્રનગર : સુરેન્દ્રનગર શહેરમાંથી પસાર થતી ભોગાવો નદીમાં શંકાસ્પદ મેડિકલ વેસ્ટનો જથ્થો ઠાલવતા ત્રણ શખ્સોને સ્થાનિકોએ ઝડપી પાડયા હતા. સ્થાનિક લોકોએ મેડિકલ વેસ્ટ ઠાલવતા લોકોની પુછપરછ કરતાં કોઇ સ્પષ્ટ જવાબ આપી શક્યા નહતા. આ ઘટનાના વીડિયો અને તસવીરો વોટ્સએપ ગુ્રપમાં ફરી રહ્યાં છે તેમ છતા જિલ્લા પ્રદૂષણ નિયંત્રણ બોર્ડના ઈન્ચાર્જ અધિકારીને ઘટનાની કોઇ જાણ નથી.