ભુજના ખાવડામાં યુવકો સાથે ક્રૂરતા: બે પિતરાઈ ભાઈનું મુંડન કરી માર માર્યો, વીડિયો વાઈરલ થતા ચકચાર

Nov 3, 2025 - 21:00

Join our WhatsApp Community to receive travel deals, free stays, and special offers!
- Join Now -

ગ

Bhuj News : ભુજ તાલુકાના સરહદી ખાવડા પંથકમાં માનવતાને શર્મશાર કરતી એક ચોંકાવનારી ઘટના સામે આવી છે. ધોરાવર ગામના સીમ વિસ્તારમાં મહિલાઓની છેડતી કરવા આવ્યા હોવાની આશંકાના આધારે બે પિતરાઈ ભાઈઓ પર સ્થાનિક ટોળા દ્વારા અમાનુષી અત્યાચાર ગુજારવામાં આવ્યો હતો. હુમલાખોરોએ બંને યુવકોનું મુંડન કરી, અડધી મૂછો કાપીને નિર્દયતાથી માર માર્યો હતો. આ સમગ્ર ઘટનાના વીડિયો સોશિયલ મીડિયા પર વાઈરલ થતાં સમગ્ર કચ્છ જિલ્લામાં ખળભળાટ મચી ગયો છે. સ્થાનિકોનો દાવો છે કે ગામની એક યુવતી જોડે આ બે યુવકો પકડાયા બાદ સમાજના લોકોએ તેમને તાલીબાની સજા આપી હતી. જ્યારે ભોગ બનનાર યુવકોએ આ દાવાને ફગાવી દઈ પોલીસ ફરિયાદ નોંધાવી છે.