બોરસદ પાસે યુવકે વાગ્દત્તાના પ્રેમીની ચપ્પુના ઉપરાછાપરી ઘા ઝીંકી હત્યા કરી

- યુવતીએ સમગ્ર બનાવ વર્ણવતા હત્યા નિપજાવનારા યુવકની ધરપકડ- યુવક અને પ્રેમી વચ્ચે અગાઉ પણ ઝઘડો થયો હતો : ચપ્પુ માર્યા બાદ યુવક પ્રેમીને હોસ્પિટલ લઈ ગયો, મૃત જાહેર કરતા યુવક સહિતના 3 શખ્સો ફરારઆણંદ : બોરસદના તોરણાવ ગામના યુવકની વાગ્દત્તાને ગોરેલ ગામના યુવક સાથે પ્રેમસંબંધ હતો. જે અંગેની જાણ થતાં યુવક અને પ્રેમી વચ્ચે અગાઉ ઝઘડો થયો હતો. તેવામાં ગત રવિવારે બોરસદ-તારાપુર હાઈવે પર પાર્ટી પ્લોટ નજીક યુવતીને મળવા પ્રેમી આવતા યુવક અને પ્રેમી વચ્ચે બોલાચાલી થઈ હતી. યુવકે ઉશ્કેરાઈને વાગ્દત્તાના પ્રેમીને ચપ્પુના ઘા ઝીંકી હત્યા નિપજાવી હતી.