પાંચ વર્ષ પૂર્વે વરસાદી કાંસમાં મૃત્યુ પામેલા યુવકને સહાય નહીં મળતા આજે પત્નીએ ઉગ્ર રજૂઆતો કરી

Vadodara : 5 વર્ષ પૂર્વે વડોદરા શહેરના કાલુપુરા વિસ્તારમાં વરસાદી પાણી ભરાતા ખુલ્લા કાસમાં ગરકાવ થયેલા યુવકના પરિવારને આજ દિન સુધી પાલિકાએ સહાય આપી નથી. મૃતક યુવકની પત્નીએ પાલિકા પહોંચી વિપક્ષના નેતાને પાલિકા સહાય આપે તેવી રજૂઆત કરી છે.વડોદરા શહેરના કાલુપુરા વિસ્તારમાં રહેતા અને લસણનો વેપાર કરતા 29 વર્ષના મુકેશ પરમારનું વર્ષ 2019 માં વરસાદી ગટરમાં તણાઈ જવાથી મોત નીપજ્યું હતું. કાલુપુરા વિસ્તારમાં વરસાદી પાણી ભરાતા યુવક મુકેશ પરમાર ગટરનું ઢાંકણું હટાવવા પહોંચ્યો હતો તે સમયે અચાનક મુકેશ પાણીના પ્રવાહમાં તણાઈ વરસાદી ગટરમાં ગાયબ થયો હતો. ઘટનાના પગલે તે સમયે સ્થાનિક લોકો અને ફાયર બ્રિગેડએ યુવકની શોધખોળ હાથ ધરી હતી.