ધર્મશાલામાં પેરાગ્લાઈડિંગ દરમિયાન સર્જાઈ દુર્ઘટના, ગુજરાતની 19 વર્ષીય યુવતીનું થયું મોત

એડવેન્ચર સ્પોર્ટસની લોકપ્રિયતા દિવસેને દિવસે વધી રહી છે અને દરેક વ્યક્તિ નવી રોમાંચક પ્રવૃત્તિઓ અજમાવવા ઈચ્છે છે. જોકે, ક્યારેક આ સાહસ પોતાના માટે અને પોતાના પરિવાર માટે ખતરનાક સાબિત થાય છે. હિમાચલ પ્રદેશના ધર્મશાલામાં ઈન્દ્રનાગ પેરાગ્લાઈડિંગ સાઇટ પર પણ એક આવી દુ:ખદ ઘટના બની છે. જેમાં ગુજરાતની 19 વર્ષીય યુવતીનું મોત થયું છે. આ પેરાગ્લાઈડિંગ દરમિયાન ગ્લાઈડરનું બેલેન્સ ના રહ્યું અને 60 ફૂટ ઊંડી ખીણમાં પડી ગયું.કેવી રીતે અકસ્માત થયો? શનિવારે સાંજે 5 વાગ્યે, અમદાવાદની રહેવાસી યુવતી ધર્મશાળામાં પેરાગ્લાઈડિંગ પર જવાનું નક્કી કર્યું. તે તેના પરિવાર સાથે ફરવા આવી હતી અને એડવેન્ચરનો અનુભવ કરવા માટે ઈન્દ્રનાગ પેરાગ્લાઇડિંગ સાઇટ પર પહોંચી હતી. ઉડતી વખતે, પેરાગ્લાઈડરે બેલેન્સ ગુમાવવાના કારણે યુવતી અને તેના સહાયક મુનીશ કુમાર ઊંડી ખીણમાં પડી ગયા હતા. ત્યારબાદ બંનેને બહાર લાવીને તાત્કાલિક ધર્મશાળા હોસ્પિટલમાં સારવાર માટે લઈ જવામાં આવ્યા, પરંતુ ડોક્ટરોએ યુવતીને મૃત જાહેર કરી હતી. ગંભીર ઈજાઓને કારણે સહાયક મુનિષને ટાંડા હોસ્પિટલમાં રિફર કરવામાં આવ્યો હતો. પોલીસે તપાસ શરૂ કરી અકસ્માતની પુષ્ટિ કરતા એએસપી કાંગડા બીર બહાદુરે જણાવ્યું હતું કે આ મામલાની તપાસ શરૂ કરવામાં આવી છે. શરૂઆતની તપાસમાં પેરાગ્લાઈડરનું અસંતુલન અકસ્માતનું કારણ હોવાનું કહેવાય છે. પોલીસે ઘટનાસ્થળેથી પુરાવા એકત્રિત કર્યા છે અને સલામતીના ધોરણોમાં કોઈ ખામી હતી કે કેમ તે શોધવા માટે ટેકનિકલ તપાસ હાથ ધરવામાં આવી રહી છે. પરિવાર પર દુઃખનો પહાડ તૂટી પડ્યો યુવતીનો પરિવાર આ અકસ્માતથી ખૂબ જ આઘાતમાં છે. તે ધર્મશાળાની મુલાકાત લેવા આવી હતી અને શનિવારે પેરાગ્લાઈડિંગનો અનુભવ કરવાનું નક્કી કર્યું. પરિવાર કહે છે કે આ તેમના માટે એક કાળો દિવસ બની ગયો જેને તેઓ ક્યારેય ભૂલી શકશે નહીં.