જામનગરમાં ઘોડીપાસાના બે દરોડામાં 12 શખ્સો ઝડપાયા

Jamnagar Crime News : જામનગરમાં પોલીસે જુગારના જુદા-જુદા બે દરોડા પાડી ઘોડીપાસાનો જુગાર રમતા 12 શખ્સોને ઝડપી લઈ તેઓ પાસેથી રોકડ રૂપિયા 60 હજાર સહિતનો મુદામાલ કબ્જે કર્યો છે.જામનગરના રણજિતસાગર રોડ પર પટેલ પાર્ક પાસે કાલિન્દી સ્કૂલની ગલીમાં જાહેરમાં ઘોડીપાસાનો જુગાર રમી રહેલ અમીત સુભાષભાઈ ગંઢા, જયેશ કિશોરભાઈ સોલંકી, બાબુલાલ દિનેશભાઈ ગોહિલ, હિતેષ જેરામભાઈ ઢાંકેચા, મિલન દિલીપભાઈ ગંઢા સહિત પાંચ શખ્સોને ઝડપી લઈ તેઓ પાસેથી રોકડ રૂા.26,800 સહિત કુલ રૂપિયા 41,800નો મુદામાલ કબ્જે કર્યો છે.જ્યારે શહેરના પાણીના ટાંકા પાસે આવેલ સિદી પીરની શેરીમાં બાપુના ડેલા પાસે જાહેરમાં ઘોડીપાસાનો જુગાર રમી રહેલ વિજય નયનભાઈ ચાવડા, ધર્મેન્દ્ર છગનભાઈ ચૌહાણ, અકરમ કાસમ દરજાદા, બુધ્ધદેવ પ્રતાપભાઈ જાલા, ધવલ હરિશભાઈ ચૌહાણ, શ્યામ અનિલભાઈ ધંધુકિયા અને નવિન ભીમજીભાઈ ચાવડા સહિત સાત શખ્સોને ઝડપી લઈ તેઓ પાસેથી રોકડ રૂા.11,550 તેમજ પાંચ મોબાઈલ સહિત કુલ રૂપિયા 20,500નો મુદામાલ કબ્જે કર્યો હતો.