જામનગર અને દ્વારકા જિલ્લામાં ઝરમર ઝાપટાં:ભાટીયામાં તોફાની અર્ધો ઈંચ

Apr 3, 2026 - 09:00

Join our WhatsApp Community to receive travel deals, free stays, and special offers!
- Join Now -

સૌરાષ્ટ્રમાં કાળઝાળ ગરમી વચ્ચે ફરી વાદળો છવાયાં : પ્રથમ ધૂળની ડમરીઓ ઉડયા બાદ ગાજવીજ અને પવન સાથે કમોસમી વરસાદ, ઉનાળુ પાકને નુકસાન થવાનો ભય

રાજકોટ, : ગુજરાતમાં ચાલુ ઉનાળામાં વધુ એક વખત હવામાનમાં મોટો ઉલટફેર જોવા મળ્યો છે. વેસ્ટર્ન ડિસ્ટર્બન્સ અને સાયક્લોનિક સર્ક્યુલેશન સક્રિય થવાને કારણે અનેક વિસ્તારોમાં ધૂળની ડમરીઓ, ગાજવીજ અને 30 થી 40 કિમીની ઝડપે ફૂંકાતા પવન સાથે વરસાદ વરસવાની હવામાન વિભાગની આગાહી વચ્ચે આજે જામનગર અને દેવભૂમિ દ્વારકા જિલ્લામાં વાતાવરણ પલટાયું હતું અને બપોરના સમયે આકાશ કાળા ડિબાંગ વાદળોથી ઘેરાઈ ગયું હતું. કાળઝાળ ગરમી અને અસહ્ય ઉકળાટ સહન કરી રહેલા લોકો માટે વરસાદી ઝાપટાં રાહત લઈને આવ્યા હતા, પરંતુ ખેડૂતો માટે આ તોફાની માવઠું ચિંતાની લકીરો ખેંચી લાવ્યું છે.

જામનગર શહેરમાં સવારથી જ સૂર્યનારાયણનો પ્રકોપ જોવા મળતો હતો.