ગુજરાતમાં બે દિવસ વરસાદનો આંશિક વિરામ, 4 સપ્ટેમ્બરથી ફરી અતિભારે વરસાદનું એલર્ટ

Sep 2, 2025 - 00:30

Join our WhatsApp Community to receive travel deals, free stays, and special offers!
- Join Now -

Rain Forecast : ગુજરાતમાં છેલ્લા કેટલાક દિવસોથી ભારેથી અતિભારે વરસાદી માહોલ છે, ત્યારે મેઘરાજા બે દિવસ વિરામના મૂડમાં હોય તેવું લાગી રહ્યું છે. હવામાન વિભાગે આગામી 6 દિવસ ભારેથી અતિભારે વરસાદને લઈને એલર્ટ જાહેર કર્યુ છે. જેમાં આગામી 2-3 સપ્ટેમ્બરે માત્ર દક્ષિણ ગુજરાતના અમુક જિલ્લામાં વરસાદની શક્યતા છે. જ્યારે 4 સપ્ટેમ્બરથી સૌરાષ્ટ્ર, દક્ષિણ ગુજરાત સહિતના જિલ્લામાં ધોધમાર વરસાદને લઈને હવામાન વિભાગે આગાહી કરી છે.

હવામાન વિભાગની આગાહી મુજબ, આવતીકાલે મંગળવારે (2 સપ્ટેમ્બર) નવસારી, વલસાડ અને 3 સપ્ટેમ્બરે દાહોદ, છોટા ઉદેપુર, તાપી, નર્મદા, ડાંગ, નવસારી, વલસાડ જિલ્લામાં ભારેથી અતિભારે વરસાદની આગાહી છે.