અમૂલમાંથી છૂટા કરાયેલા 150 યુવકોની જિલ્લા કલેક્ટરને ફરિયાદ

- ઠાસરા તાલુકાના સરપંચોએ યુવકોને ટેકો જાહેર કર્યો- પરિવારો આર્થિક સંકટમાં ન મૂકાય માટે ત્વરિત નોકરી પર લેવા માંગ સાથે આંદોલનની ચિમકીનડિયાદ : આણંદ અમૂલ ડેરીનો વિવાદ ચરમસીમાએ પહોંચ્યો છે. આગામી વર્ષમાં અમૂલમાં ચૂંટણીના એંધાણ છે, તેવામાં વર્તમાન ચેરમેન સામે વિરોધ વચ્ચે એકાએક અમૂલ દ્વારા ઠાસરા તાલુકાના ૧૫૦થી વધુ યુવકોને નોકરીમાંથી કાઢી મૂકાયા હતા. ત્યારે આજે ઠાસરા સરપંચ એસોસિએશનના અગ્રણીઓ અને છૂટા કરેલા ૧૫૦ યુવકોએ પરિવારો આર્થિક સંકટમાં મૂકાયા હોવાથી ત્વરિત નોકરી પર લેવાની માંગણી સાથે નડિયાદ કલેક્ટરને લેખિત ફરિયાદ આપી આગામી સમયમાં આંદોલનની ચિમકી ઉચ્ચારી છે.