અમરાઇવાડીમાં પાઇપ,ચાકુથી હુમલો કરતા યુવક લોહી લુહાણ

Jul 24, 2025 - 08:30

Join our WhatsApp Community to receive travel deals, free stays, and special offers!
- Join Now -

અમદાવાદ, મંગળવાર

અમરાઇવાડીમાં અગાઉ થયેલી તકરારની અદાવત રાખીને પોલીસ કેસ પાછો ખેચવાનું યુવકને કોલર પકડીને નીચે પાડયો હતો અને ઢોર માર મારીને પેટમાં પાઇપ માર્યા બાદ ઉપરા છાપરી ચાકુના ઘા મારીને યુવકને લોહી લુહાણ કર્યો હતો લોકોના ટોળા ભેગા થતાં આરોપીઓ જતા જતા જાનથી મારી નાખવાની ધમકી આપીને નાસી ગયા હતા. ગંભીર રીતે ઘાયલ યુવક હાલમાં સિવિલ હોસ્પિટલમાં સારવાર હેઠળ છે. આ બનાવ અંગે અમરાઇવાડી પોલીસે ગુનો નોંધી વધુ તપાસ હાથ ધરી છે.

માસીના ઘરે જતા યુવકને રોકી કોલર પકડીને નીચે પાડીને પેટમાં પાઇપ માર્યા બાદ ઉપરા છાપરી ચાકુના ઘા મારીને જાનથી મારી નાંખવાની ધમકી આપી

અમરાઇવાડીમાં રહેતા યુવકે અમરાઇવાડી પોલીસ સ્ટેશનમાં અમરાઇવાડીમાં રહેતા ત્રણ લોકો સામે ફરિયાદ નોંધાવી છે કે આઠ મહિના પહેલા ફરિયાદીના મોટાભાઇ સાથે સામે જોવા બાબતે તકરાર બાદ મારા મારી થઇ હતી જે અંગે પોલીસ ફરિયાદ થઇ હતી જેની અદાવત રાખીને અવાર નવાર તકરાર કરતા હતા.