અમદાવાદ: ટીવીના આડમાં લઈ જવાતો રૂ. 67 લાખનો વિદેશી દારૂ ઝડપાયો, એકની ધરપકડ

Apr 25, 2026 - 12:00

Join our WhatsApp Community to receive travel deals, free stays, and special offers!
- Join Now -

Liquor In Seizes Ahmedabad: અમદાવાદ શહેર પોલીસ કમિશનરની સૂચના હેઠળ પ્રોહિબિશનની પ્રવૃત્તિ નાબૂદ કરવા કાર્યરત પીસીબીએ નરોડા પોલીસ સ્ટેશન વિસ્તારમાં મોટી કાર્યવાહી કરી છે. ટીવીની ખોટી બિલટી બનાવી તેની આડમાં ટ્રકમાં છુપાવીને લઈ જવાતો લાખોની કિંમતનો વિદેશી દારૂનો જથ્થો પોલીસે ઝડપી પાડ્યો છે.

પીસીબીની ટીમને બાતમી મળી હતી કે ચંદીગઢથી એક આઈસર ટ્રક ટીવીના બિલના આધારે વિદેશી દારૂ ભરીને નડિયાદ તરફ જઈ રહી છે. આ બાતમીના આધારે પોલીસે નાના ચિલોડાથી દહેગામ ચાર રસ્તા તરફ જતા રોડ પર 'ગામઠી રેસ્ટોરન્ટ' પાસે વોચ ગોઠવી હતી. શંકાસ્પદ ટ્રક આવતા તેને અટકાવી તપાસ કરતા તેમાંથી મોટી માત્રામાં વિદેશી દારૂ મળી આવ્યો હતો.