WPL: ગુજરાત જાયન્ટ્સની ટીમ સાથે વડોદરાના મહારાણી રાધિકારાજે ગાયકવાડે કરી મુલાકાત

વુમન્સ પ્રીમિયર લીગ (WPL)ની મેચ આગામી દિવસોમાં વડોદરાના કોટંબી સ્ટેડિયમમાં રમાશે, ત્યારે વડોદરાના મહારાણી રાધિકારાજે ગાયકવાડ દ્વારા ગુજરાત જાયન્ટ્સની ટીમને સપોર્ટ કરી શુભેચ્છા પાઠવવામાં આવી. તેમના બહુ અપેક્ષિત હોમ ડેબ્યુ પહેલા, ગુજરાત જાયન્ટ્સની કપ્તાન એશલે ગાર્ડનર, સાથી ખેલાડીઓ કાશવી ગૌતમ, ફીબી લિચફિલ્ડ અને ડિઆન્ડ્રા ડોટિને વડોદરાના મહારાણી રાધિકારાજે ગાયકવાડ સાથે યાદગાર આઈકોનિક લક્ષ્મી વિલાસ પેલેસની સહેલગાહનો આનંદ માણ્યો. મહારાણી રાધિકારાજેએ ટીમને કર્યો સપોર્ટ મહિલા સશક્તિકરણના મજબૂત હિમાયતી મહારાણી રાધિકારાજેએ ટીમને તેમનો સપોર્ટ કર્યો અને તેમની નારી શક્તિકરણની પહેલો અને વડોદરાની ક્રિકેટ સંસ્કૃતિના વારસા વિશે વિશેષ વાતો શેર કરી હતી. બોલિંગ કોચ પ્રવિણ તાંબે અને અદાણી સ્પોર્ટ્સલાઈનના ચીફ બિઝનેસ ઓફિસર સંજય આડેસરા સાથે જોડાયેલા ખેલાડીઓએ મહારાણી ચિમનાબાઈ સ્ત્રી ઉદ્યોગાલય (MCSU) દ્વારા શરૂ કરાયેલ ગઝરા કાફેની પણ મુલાકાત લીધી હતી. LGBTQ+ સમુદાયના સભ્યો દ્વારા ચલાવવામાં આવે છે કાફે મહારાણી ચિમનાબાઈ II દ્વારા 1914માં સ્થપાયેલ, MCSU શિક્ષણ, વ્યાવસાયિક તાલીમ અને કૌશલ્ય વિકાસ, ખાસ કરીને હસ્તકલા અને ભરતકામ દ્વારા મહિલાઓના સશક્તિકરણ પર ધ્યાન કેન્દ્રિત કરે છે. કાફે LGBTQ+ સમુદાયના સભ્યો દ્વારા ચલાવવામાં આવે છે. મહારાણી રાધિકારાજે સાથે થયું ઈન્ટરેક્ટિવ સેશન આ મુલાકાતમાં ખેલાડીઓ અને મહારાણી રાધિકારાજે વચ્ચે એક વિશેષ ઈન્ટરેક્ટિવ સેશન થયું, જેઓ ક્રિકેટ સાથે ઊંડો સંબંધ ધરાવે છે. કેપ્ટન એશલે ગાર્ડનરે ખાસ ગુજરાત જાયન્ટ્સ જર્સી મહારાણીજીને આપી. મહારાણીએ નવી સીઝન પહેલા ટીમને તેમની શુભેચ્છાઓ આપી, ગુજરાતની ટીમ, મહિલા ક્રિકેટ અને ભારતમાં તેની વધતી જતી અસરને તેમના સમર્થનની પુનઃ પુષ્ટિ કરી.