Weather News : આજે રાજયમાં સાર્વત્રિક વરસાદની આગાહી, દક્ષિણ ગુજરાતમાં ભારે વરસાદની આગાહી

આજે રાજ્યમાં સાર્વત્રિક વરસાદની આગાહી હવામાન વિભાગ દ્વારા કરવામાં આવી છે, દક્ષિણ ગુજરાતમાં ભારે વરસાદની આગાહી કરવામાં આવી છે, છોટાઉદેપુર, નર્મદામાં ભારે વરસાદની આગાહી કરવામાં આવી છે, તો બીજી તરફ ડાંગ, તાપી, નવસારીમાં ભારે વરસાદની આગાહી હવામાન વિભાગ દ્વારા કરવામાં આવી છે. સાયક્લોનિક સર્ક્યુલેશન અને મોન્સૂન ટ્રફના કારણે વરસાદની આગાહી કરવામાં આવી છે.

રાજ્યમાં 26 જુલાઈ બાદ વધશે વરસાદનું જોર

વલસાડ, દમણ, દાદરાનગર હવેલીમાં ભારે વરસાદની આગાહી કરવામાં આવી છે, રાજ્યમાં 26 જુલાઈ બાદ વધશે વરસાદનું જોર અને અમદાવાદ, ગાંધીનગરમાં મધ્યમ વરસાદની આગાહી કરવામાં આવી છે, સાબરકાંઠા, બનાસકાંઠા, મહેસાણા, અરવલ્લી, પાટણ, ખેડા, આણંદ, પંચમહાલ, દાહોદ, મહીસાગર, સુરેન્દ્રનગર, રાજકોટ, જામનગર, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ, બોટાદ, કચ્છમાં વરસાદની આગાહી કરવામાં આવી છે.

રાજ્યમાં મોસમનો કુલ સરેરાશ વરસાદ ૫૪.૬૭ ટકા જેટલો નોંધાયો

આજે સવારે ૮:૦૦ કલાક સુધીમાં રાજ્યમાં આવેલ ગુજરાતની જીવાદોરી સમાન નર્મદા ડેમ ૫૮.૧૯ ટકા તેમજ અન્ય ૨૦૬ જળાશયો કુલ સંગ્રહ ક્ષમતાના ૬૦ ટકા કરતાં વધુ ભરાઈ ગયા છે. રાજ્યના ૨૮ જળાશયો ૧૦૦ ટકા, ૬૨ જળાશયો ૭૦ થી ૧૦૦ ટકા, ૪૧ જળાશયો ૫૦ થી ૭૦ ટકા, ૩૭ જળાશયો ૨૫ થી ૫૦ ટકા તેમજ ૩૮ જળાશયો ૨૫ ટકા કરતાં ઓછા ભરાયેલા છે. આમ, સમગ્ર રાજ્યમાં વરસાદના પગલે ૪૮ ડેમ હાઇ એલર્ટ, ૧૭ ડેમ એલર્ટ અને ૨૫ ડેમ માટે વોર્નિંગ આપવામાં આવી છે.

વરસાદના કારણે બસના કોઈપણ રૂટ કે ટ્રીપ બંધ નથી

વધુમાં, ભારતીય હવામાન વિભાગ દ્વારા ગુજરાતનાં દરિયા કિનારાના વિસ્તારોમાં માછીમારોને તા. ૨૬ જુલાઇ, ૨૦૨૫ સુધી દરિયો ન ખેડવા ચેતવણી પણ આપવામાં આવી છે. આ ઉપરાંત ગુજરાત ઊર્જા વિકાસ નિગમ લિમિટેડ દ્વારા વરસાદના કારણે ખોરવાયેલા વીજ પુરવઠાને ૧૦૦ ટકા પૂર્વવત કરવામાં આવ્યો છે. G.S.R.T.Cથી મળેલી માહિતી મુજબ આજની સ્થિતીએ સમગ્ર રાજ્યમાં વરસાદના કારણે બસના કોઈપણ રૂટ કે ટ્રીપ બંધ નથી.