Vadodara: વડોદરામાં પોલીસકર્મી સહિત 12 જુગાર રમતા ઝડપાયા, કોન્સ્ટેબલે કહ્યું-હું તો...

Dec 30, 2024 - 19:30
Vadodara: વડોદરામાં પોલીસકર્મી સહિત 12 જુગાર રમતા ઝડપાયા, કોન્સ્ટેબલે કહ્યું-હું તો...

Join our WhatsApp Community to receive travel deals, free stays, and special offers!
- Join Now -

Join our WhatsApp Community to receive travel deals, free stays, and special offers!
- Join Now -

વડોદરાના તરસાલીમાં મકરપુરા પોલીસે બાતમીના આધારે જુગારધામમાં દરોડા પાડ્યા હતા. દરોડા દરમિયાન પોલીસકર્મી સહિત 12 જુગાર રમતા ઝડપાયા હોવાના સમાચાર સામે આવ્યા છે. પોલીસે કોન્સ્ટેબલ સહિત 12ની ધરપકડ કરીને 2.14 લાખ રોકડ સહિત 4.49 લાખનો મુદ્દામાલ કબજે કર્યો છે.

31 ડિસેમ્બરની ઉજવણી દરમિયાન પોલીસ વિભાગ સંપૂર્ણ એલર્ટ મોડમાં આવી ગયો છે. શહેરના અલગ-અલગ વિસ્તારમાં પોલીસ દ્વારા સતત વાહન ચેકિંગ તથા પેટ્રોલિંગ કરવામાં આવી રહ્યું છે. તેવામાં વડોદરામાં પોલીસકર્મી સહિત 12 જુગાર રમતા ઝડપાયા છે. મળતી માહિતી મુજબ, તરસાલીમાં જુગાર રમતા 12 જુગરિયા ઝડપાયા છે.  ફતેગંજ પોલીસ મથકના હેડ કોન્સ્ટેબલ સંજય બેડસેની પણ ધરપકડ કરવામાં આવી છે. 

તરસાલીના એક મકાનમાં જુગારધામ ધમધમતું હતું બાતમી મળતા જ મકરપુરા પોલીસ ઘટનાસ્થળે ત્રાટકી હતી. જુગારધામમાં ફતેગંજ પોલીસ મથકના કોન્સ્ટેબલ સંજય બેડસે સહિત 12 જુગાર રમતા ઝડપાયા છે. સંજય બેડસેએ પોતે જુગાર ન રમતો હોવાનું જણાવ્યું હતું. આ સાથે મિત્ર પાસે ઉછીના આપેલ રૂપિયા પરત લેવા આવ્યા હોવાનું ફતેગંજ પોલીસ મથકના હેડ કોન્સ્ટેબલ સંજય બેડસે છટક બહાનું બતાવ્યું હોવાનું ચર્ચાઇ રહ્યું છે. જોકે મકરપુરા પોલીસે જુગારધામ ચલાવનારો મકાનમાલિક રમેશ ચૌહાણ અને હેડ કોન્સ્ટેબલ સંજય બેડસે સહિત 12 આરોપીઓની ધરપકડ કરવામાં આવી છે. પોલીસે 2.14 લાખ રોકડ સહિત 4.49 લાખનો મુદ્દામાલ કબજે કરીને આગળની કાર્યવાહી હાથ ધરી છે.


What's Your Reaction?

Like Like 0
Dislike Dislike 0
Love Love 0
Funny Funny 0
Angry Angry 0
Sad Sad 0
Wow Wow 0